நடிகர் தனுஷ் புதிய கட்சி தொடங்க உள்ளதாகப் பரவிவரும் தகவல் குறித்துப் பேசிய திமுக அமைப்புச் செயலாளர் ஆர்.எஸ்.பாரதி, சீசனுக்குச் சீசன் கட்சி மாறும் நபர்களை விமர்சித்து நகைச்சுவையாகக் கருத்துத் தெரிவித்துள்ளார்.

சென்னையில் நடைபெற்ற திமுக கூட்டத்தில் பேசிய அவர், நடிகர் தனுஷ் கட்சி ஆரம்பிக்கப் போவதாகச் செய்திகள் வருவதைக் குறிப்பிட்டு, அப்படி ஒரு கட்சி தொடங்கப்பட்டால் அதில் முதல் கையெழுத்து போடப் போவது ஆதவ் அர்ஜுனாதான் என்று விமர்சித்தார்.

சீசனுக்குச் சீசன் வெவ்வேறு கட்சிகளுக்குத் தாவக்கூடிய நபர்களைச் சுட்டிக்காட்டும் வகையிலும் அவர் தனது உரையில் சில கருத்துக்களைப் பதிவு செய்தார்.

மேலும், கடந்த 2001-ஆம் ஆண்டு முன்னாள் முதல்வர் கருணாநிதி கைது செய்யப்பட்ட பின்னர், 2006-ல் திமுக மீண்டும் ஆட்சிக்கு வந்ததைச் சுட்டிக்காட்டிய அவர், தற்போது எந்தவித நியாயமான காரணமும் இன்றி துணை முதலமைச்சர் உதயநிதி ஸ்டாலின் கைது செய்யப்பட்டுள்ளதாகக் கண்டனம் தெரிவித்தார்.