இந்திய அரசால் பெண் குழந்தைகளின் எதிர்காலக் கல்வி மற்றும் திருமணச் செலவுகளுக்காகக் கொண்டு வரப்பட்ட ஒரு மிகச் சிறந்த சிறுசேமிப்புத் திட்டம் 'சுகன்யா சம்ரிதி யோஜனா' எனப்படும் செல்வ மகள் சேமிப்புத் திட்டமாகும். 10 வயதுக்குட்பட்ட பெண் குழந்தைகளின் பெயரில் இந்தத் திட்டத்தைத் தொடங்கி, மிகக் குறைந்த முதலீட்டில் பெரும் தொகையைச் சேமிக்க முடியும்.

இத்திட்டத்தில் மாதம் ₹1,000 முதலீடு செய்யும் போது கிடைக்கும் பயன்கள் என்னென்ன தெரியுமா? ₹1,000 (வருடத்திற்கு ₹12,000) முதலீட்டுக் காலம் (15 ஆண்டுகள்): நீங்கள் செலுத்தும் மொத்தத் தொகை ₹1.80 லட்சம். கிடைக்கும் வட்டி வருவாய்: ₹3.74 லட்சம். முதிர்வுத் தொகை உங்கள் மகளுக்கு 21 வயது நிறைவடையும் போது, வட்டியும் முதலுமாக மொத்தம் ₹5.54 லட்சம் உங்கள் கணக்கில் இருக்கும்.

மத்திய அரசின் நேரடிக் கட்டுப்பாட்டில் உள்ள திட்டம் என்பதால் முதலீட்டிற்கு 100% உத்தரவாதம் உண்டு. மற்ற சிறுசேமிப்புத் திட்டங்கள் மற்றும் வங்கி நிலையான வைப்பு நிதிகளை விட இத்திட்டத்திற்கு அரசு கூடுதல் வட்டி வழங்கி வருகிறது.

இத்திட்டத்தில் முதலீடு செய்யும் தொகை, அதற்குப் பெறப்படும் வட்டி மற்றும் முதிர்வுத் தொகை ஆகிய மூன்றிற்குமே வருமான வரிச் சட்டம் 80C-இன் கீழ் முழுமையான வரி விலக்கு அளிக்கப்படுகிறது. பெண் குழந்தைகளின் பொருளாதாரத் தேவைகளை அவர்களின் எதிர்காலத்தில் எவ்வித சிரமமுமின்றி நிறைவு செய்ய, இந்தச் செல்வ மகள் சேமிப்புத் திட்டம் ஒரு மிகச் சிறந்த முதலீட்டு வாய்ப்பாகும்.