இந்தியாவின் மிகப்பெரிய பறவைகள் பூங்காவில் என்னென்ன சிறப்பம்சங்கள்?!

தமிழகத்தில்  திருச்சி மாவட்டத்தில் துணைமுதல்வர் பறவைகள் பூங்காவை திறந்து வைத்துள்ளார். இந்த பூங்கா அந்தநல்லூர் ஊராட்சி ஒன்றியம் கம்பரசம்பேட்டை ஊராட்சி அய்யாளம்மன் படித்துறையில்  நமக்கு நாமே திட்டத்தின் கீழ் 4.02 ஏக்கர் பரப்பளவில் ரூ.18.63 கோடி மதிப்பில்  அமைக்கப்பட்டுள்ளது.  

இந்த பூங்காவில் 60 ஆயிரம் சதுர அடி பரப்பளவில் ஐந்திணை என்றழைக்கப்படும் குறிஞ்சி, முல்லை, மருதம், பாலை, நெய்தல் ஆகிய 5 வகை நில அமைப்புகளை விவரிக்கும் வகையில் அந்த நிலப்பகுதிகளுக்கான அடையாளங்கள் அமைக்கப்பட்டுள்ளன. அங்கு பல்வேறு வகையான நூற்றுக்கணக்கான பறவைகள் விடப்பட்டுள்ளன. மேலும், அவை தங்குவதற்காக பிரத்யேகமாக வடிவமைக்கப்பட்ட குடில்கள் மற்றும் கூண்டுகள் அமைக்கப்பட்டுள்ளன.

அத்துடன்  சுருள் ரெக்கை(FRILL BACK), பொமேரியன் பவுட்டர் (Pomeranian Pouter), கேடய பௌட்டர் (SHIELD POUTER), கிளி மூக்கு (SCANDAROON), வைர புறா (DIAMOND DOVE), நீண்ட முகம் டம்ளர் (Long Face Tumbler), கட்ட வால் (MALTESE), ஓரியன்டல் ஃபிரில் (ORIENTAL FRILL), பூ ரெக்கை (Spanish Chorrera), மூஞ்சி மூடி (JACOBIN), போண்டா புறா (Modena), சின்ன மூஞ்சி (Short face), அழகு ஹோமர் (Beauty homer ), கழுத்தசைப்பான்(Neck Shaker), கேரியர் புறா (Carrier pigeon), மாக்பை பெளட்டர் (MAGPIE Pouter), அரசன் (KING), செம்பு புறா (ARACHANGEL) ஆகிய புறா வகைகள் தனித்தனியே காட்சிப்படுத்தப்பட்டுள்ளன.

இதுதவிர, பல்வேறு வகையான கோழியினங்கள், வாத்துகள், கிளிகள், முயல்கள் காட்சிப்படுத்தப்பட்டுள்ளன. குழந்தைகளை கவரும் வகையில் கோய் மீன் குளம் (KOI FISH POND) அமைக்கப்பட்டுள்ளது. இது இந்தியாவிலேயே மிகப்பெரிய பறவைக் கூடம் என்பது குறிப்பிடத்தக்கது.   இங்கு பறவைகளின் இனப்பெருக்கத்திற்காக தனிக்கூடம் அமைக்கப்பட்டுள்ளது. இங்கு அமைக்கப்பட்டுள்ள 7-டி மினி திரையரங்கில் பார்வையாளர்களுக்கு திரையிடப்படும் படங்கள் முப்பரிமாண காட்சிகளாக அருகில் தெரிவதுடன், காட்சிகளின் அமைப்புக்கு ஏற்ப தங்களைச் சுற்றி ஈரமாக உணர்வது, தங்கள் உடலை காற்று தழுவுவது, அதிர்வுகளை உணர்தல் உட்பட பல  சிறப்புகள் இடம் பெற்றுள்ளன.  ஒரே நேரத்தில் பொதுமக்கள் 50 பேர் அமர்ந்து பார்வையிடும் வகையில் அமைக்கப்பட்டுள்ளது.  பூங்காவில் பறவைக்கூட்டங்களை கண்டு களிக்க  பெரியவர்களுக்கு ரூ.200, சிறியவர்களுக்கு ரூ.150  கட்டணம் நிர்ணயிக்கப்பட்டுள்ளது.  

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!