அமெரிக்காவில் இந்தியப் பெண் ஷாலினி சுட்டுக்கொலை! காதல் மறுப்பால் கொடூரம்!

அமெரிக்காவின் கலிபோர்னியா மாகாணம் சகிரிமெண்டொ நகரில் உள்ள உணவகத்தில் பணியாற்றி வந்த இந்தியாவைச் சேர்ந்த ஷாலினி (வயது 38) என்பவர் துப்பாக்கியால் சுடப்பட்டுப் பரிதாபமாக உயிரிழந்தார்.

allowfullscreen

• எச்சரிக்கை மற்றும் தொல்லை: அமெரிக்காவுக்குள் சட்டவிரோதமாக நுழைந்த 22 வயது இளைஞரான ரோகித் என்பவர், ஷாலினியைத் தொடர்ந்து காதலிக்குமாறு தொல்லை கொடுத்து வந்துள்ளார். அவரின் நடவடிக்கைகளால் அதிர்ச்சியடைந்த ஷாலினி அவரிடமிருந்து விலகியுள்ளார். மேலும், இந்த ரோகித் ஏற்கனவே அரிசோனா மாகாணத்தில் கைது செய்யப்பட்டுச் சிறை சென்றவர் என்பது குறிப்பிடத்தக்கது.

• துப்பாக்கிச் சூடு சம்பவம்: ஷாலினி விலகியதால் ஆத்திரமடைந்த ரோகித், கடந்த வியாழக்கிழமை மாலை அவர் வேலை செய்யும் உணவகத்திற்கு வந்துள்ளார். உணவகத்திற்கு வெளியே ஷாலினியிடம் வாக்குவாதத்தில் ஈடுபட்ட அவர், தான் மறைத்து வைத்திருந்த துப்பாக்கியால் ஷாலினியைச் சுட்டதில் அவர் சம்பவ இடத்திலேயே ரத்த வெள்ளத்தில் உயிரிழந்தார்.

• கொலையாளி தற்கொலை: துப்பாக்கிச் சூடு நடத்திவிட்டு காரில் தப்பிய ரோகித்தை போலீசார் துரத்திச் சென்றனர். வெட் அவென்யூ பகுதியில் நின்றுகொண்டிருந்த காரைச் சோதனையிட்டபோது, ரோகித் துப்பாக்கியால் தன்னைத்தானே சுட்டுத் தற்கொலை செய்துகொண்டது தெரியவந்தது.

இதையடுத்து ரோகித்தின் உடலைக் கைப்பற்றிய போலீசார் பிரேத பரிசோதனைக்கு அனுப்பி வைத்து, இந்தச் சம்பவம் குறித்து தீவிர விசாரணை நடத்தி வருகின்றனர்.