சென்னை பல்கலைக்கழகத்தின் புவியியல் துறை, தற்காலச் சூழலுக்கு மிக முக்கியமான 'நிலையான வளத்திட்டல் மற்றும் மேலாண்மைக்கான புவி அறிவியல் முறைகள்'  என்ற புதிய ஓராண்டு டிப்ளமோ படிப்பை 2026-27 கல்வியாண்டு முதல் அறிமுகப்படுத்தியுள்ளது.

பெருகி வரும் சுற்றுச்சூழல் சவால்கள் மற்றும் இயற்கை வள மேலாண்மைத் துறையில் உள்ள சர்வதேச வேலைவாய்ப்புகளைக் கருத்தில் கொண்டு இந்தப் பாடத்திட்டம் வடிவமைக்கப்பட்டுள்ளது.

புவிசார் தரவுகளைக் கையாளுதல் மற்றும் பகுப்பாய்வு செய்தல் போன்ற நவீன ஆராய்ச்சி நுட்பங்களை மாணவர்கள் கற்றுக்கொள்ள இது ஒரு சிறந்த வாய்ப்பாகும். இது ஒரு ஓராண்டு கால டிப்ளமோ படிப்பாகும்.

விண்ணப்பிக்க விரும்பும் மாணவர்கள் இளநிலை அல்லது முதுநிலை அறிவியல் பட்டதாரிகள் இந்தப் படிப்பிற்கு விண்ணப்பிக்கத் தகுதியுடையவர்கள்.

காலநிலை மாற்றம் மற்றும் நகரமயமாக்கல் அதிகரித்து வரும் இன்றைய சூழலில், புவிசார் தகவல் தொழில்நுட்பம் மற்றும் தொலை உணர்வு போன்ற துறைகளில் நிபுணத்துவம் பெற்றவர்களுக்கான தேவை அதிகரித்துள்ளது. சென்னை பல்கலைக்கழகத்தின் இந்த முன்னெடுப்பு, மாணவர்கள் இத்துறையில் சிறந்து விளங்க உதவும்.

ஆர்வமுள்ள மாணவர்கள் சென்னை பல்கலைக்கழகத்தின் அதிகாரப்பூர்வ இணையதளம் வாயிலாக மேலதிக விவரங்களைத் தெரிந்துகொண்டு விண்ணப்பிக்கலாம்.