ஈரானுக்கு போகாதீங்க...  இந்தியர்களுக்குத் தூதரகம் எச்சரிக்கை!

மத்திய கிழக்கு நாடுகளில் நாளுக்கு நாள் போர் பதற்றம் மிகவும் அதிகரித்து வருகிறது. அமெரிக்கா, இஸ்ரேல் மற்றும் ஈரான் ஆகிய நாடுகளுக்கு இடையே தொடர்ந்து ஏவுகணைகள் மற்றும் தானியங்கி விமானங்கள் மூலம் கடுமையான தாக்குதல்கள் நடத்தப்பட்டு வருகின்றன. இந்த மோதல்களின் காரணமாக வளைகுடாப் பகுதியில் எந்நேரமும் பெரும் போர் வெடிக்கும் ஒரு அசாதாரணமான சூழ்நிலையே நிலவி வருகிறது.

இஸ்ரேல் நடத்திய திடீர் தாக்குதலால் ஈரானின் தலைநகர் டெஹ்ரானில் உள்ள முக்கிய விமான நிலையம் தற்காலிகமாக மூடப்பட்டுள்ளது. நிலைமை மோசமடைந்து வருவதால் அங்கு வாழும் மக்களின் பாதுகாப்பு பெரும் கேள்விக்குறியாகியுள்ளது. அமெரிக்க அதிபர் டிரம்ப் விடுத்த கோரிக்கையையும் மீறி இஸ்ரேல் பிரதமர் நெதன்யாகு இந்தத் தாக்குதலை நடத்தியுள்ளதால் உலக நாடுகள் யாவும் பெரும் கவலை அடைந்துள்ளன.

இந்தச் சூழ்நிலையைக் கருத்தில் கொண்டு தெஹ்ரானில் உள்ள இந்தியத் தூதரகம் ஒரு முக்கிய அறிவிப்பை வெளியிட்டுள்ளது. இந்தியக் குடிமக்கள் யாரும் மறு உத்தரவு வரும் வரை ஈரானுக்குப் பயணம் செய்ய வேண்டாம் என்று அதில் கேட்டுக்கொள்ளப்பட்டுள்ளது. மேலும் ஏற்கனவே ஈரானில் தங்கியிருக்கும் இந்தியர்கள் அங்குள்ள போக்குவரத்து வசதிகளைப் பயன்படுத்தி உடனே சொந்த நாடு திரும்புமாறு அறிவுறுத்தப்பட்டுள்ளது.