தமிழ் திரையுலகின் முன்னணி நடிகரான சூரியின் அண்ணன் மகன் திருமண விழா மதுரையில் மிகவும் கோலாகலமாக நடைபெற்றது. இந்த விசேஷ நிகழ்வில் தமிழக முதலமைச்சர் விஜய்யின் மகனும், இயக்குநருமான ஜேசன் சஞ்சய் நேரில் கலந்து கொண்டு மணமக்களை வாழ்த்தினார்.

நடிகர் சூரியின் இல்லத் திருமண விழா மதுரையில் உறவினர்கள் மற்றும் நண்பர்கள் புடைசூழ விமரிசையாக நடைபெற்றது. இந்தத் திருமண வரவேற்பு மற்றும் முகூர்த்த விழாவில் திரையுலகைச் சேர்ந்த பல்வேறு முக்கியப் பிரமுகர்கள் கலந்து கொண்டு மணமக்களுக்குத் தங்களது வாழ்த்துகளைத் தெரிவித்தனர்.

தமிழக முதலமைச்சர் விஜய்யின் மகனும் இயக்குநருமான ஜேசன் சஞ்சய், மதுரையில் நடைபெற்ற இந்தத் திருமண விழாவில் நேரில் பங்கேற்று மணமக்களுக்குப் பூங்கொத்து கொடுத்து வாழ்த்து தெரிவித்தார்.

விழாவிற்கு வருகை தந்த ஜேசன் சஞ்சய்யை நடிகர் சூரி மற்றும் அவரது குடும்பத்தினர் வாசலுக்கே சென்று இன்முகத்துடன் வரவேற்றனர். தொடர்ந்து, மேடையில் ஜேசன் சஞ்சய்க்கு நடிகர் சூரி பொன்னாடை போர்த்திச் சிறப்பு மரியாதை செய்தார்.

ஜேசன் சஞ்சய்யுடன் இணைந்து தமிழ் திரைப்படத் தயாரிப்பாளர்கள் சங்கத் தலைவர் தமிழ்குமரன், பிரபல நடிகர் சஞ்சீவ் உள்ளிட்ட பல்வேறு திரையுலகப் பிரபலங்களும் இத்திருமண விழாவில் கலந்து கொண்டு மணமக்களை ஆசீர்வதித்தனர்.

திருமண விழாவில் ஜேசன் சஞ்சய்க்கு நடிகர் சூரி பொன்னாடை போர்த்தி மரியாதை செய்த புகைப்படங்களும், அவர் மணமக்களுடன் எடுத்துக்கொண்ட புகைப்படங்கள் மற்றும் வீடியோக்களும் தற்போது சமூக வலைதளங்களில் வெளியாகி ரசிகர்களிடையே வேகமாகப் பரவி வைரலாகி வருகின்றன.