கோடை வெயில் தீவிரமடையத் தொடங்கியுள்ள நிலையில், குளிர்ச்சியான பானங்களுக்கான தேவை அதிகரித்துள்ளது. இதன் விளைவாக எலுமிச்சை பழத்தின் விலை கிடுகிடுவென உயர்ந்துள்ளது பொதுமக்களுக்கு அடுத்த அதிர்ச்சியை ஏற்படுத்தியுள்ளது. 

தமிழகத்தில் கடந்த சில நாட்களாக வெயிலின் தாக்கம் அதிகரித்து வருவதால், தாகத்தைத் தணிக்க மக்கள் எலுமிச்சை சாறு மற்றும் பழச்சாறுகளை அதிகம் நாடுகின்றனர். இதனால் சந்தையில் எலுமிச்சையின் தேவை பலமடங்கு உயர்ந்துள்ளது.

கோடை காலம் தொடங்குவதால் வீடுகள், உணவகங்கள் மற்றும் சாலையோர ஜூஸ் கடைகளில் எலுமிச்சையின் பயன்பாடு அதிகரித்துள்ளது. போதிய மழையின்மை மற்றும் வெயிலின் தாக்கத்தால் எலுமிச்சை விளைச்சல் பாதிக்கப்பட்டுள்ளது. இதனால் சந்தைக்கு வரும் பழங்களின் அளவு பெருமளவு குறைந்துவிட்டது.

வரத்து குறைவாக இருப்பதால், வியாபாரிகள் அதிக விலைக்குக் ஏலம் எடுத்து எலுமிச்சையைக் கொள்முதல் செய்து வருகின்றனர்.

தற்போதைய சந்தை நிலவரம்:

"கடந்த சில மாதங்களாக விற்பனை குறைவாக இருந்தபோது ஒரு கிலோ ₹40-க்கு விற்றோம். இப்போது வரத்து மிகவும் குறைந்துள்ளதால், மொத்த விலையே உயர்ந்துவிட்டது. தரத்திற்கு ஏற்றவாறு ஒரு பழம் ₹5 முதல் ₹10 வரை விற்க வேண்டிய சூழல் உள்ளது" என வியாபாரிகள் தெரிவிக்கின்றனர்.

சமையல் எண்ணெய் மற்றும் காய்கறி விலையேற்றத்தைத் தொடர்ந்து, இப்போது எலுமிச்சை விலையும் உயர்ந்திருப்பது இல்லத்தரசிகளின் பட்ஜெட்டைப் பாதித்துள்ளது.