எஸ்.ஐ.வேலை வாங்கி தருவதாக ரூ.18 லட்சம் மோசடி... போலி பணி ஆணை வழங்கியவர் கைது!

காவல் துறையில் உதவி ஆய்வாளர் (எஸ்.ஐ.) பணி பெற்றுத் தருவதாக கூறி ரூ.18 லட்சம் மோசடி செய்து, போலியான பணியாணை வழங்கிய நபரை போலீசார் கைது செய்தனர்.அரும்பாக்கத்தைச் சேர்ந்த சீனிவாசன் (32) எம்.பி.ஏ. பட்டதாரி. காவல் துறையில் எஸ்.ஐ. பணி பெறும் நோக்கில் தேர்வு எழுதியும், அதில் தேர்ச்சி பெற முடியவில்லை. இதன்போது, காஞ்சிபுரம் மாவட்டம் நாவலூரைச் சேர்ந்த அர்ச்சகரான ரஞ்சித் குமார் (39) என்பவரை அவர் சந்தித்தார்.

அப்போது ரஞ்சித் குமார், “அரசு உயரதிகாரிகள் எனக்கு நன்கு தெரியும்; நீ விரும்பினால் எஸ்.ஐ. பணி பெற்றுத் தர முடியும்” என கூறியதாக தெரிகிறது. இதை நம்பிய சீனிவாசன், 2017 முதல் 2023 வரை பல்வேறு தவணைகளில் ரூ.18 லட்சம் கொடுத்தார்.பணத்தை பெற்ற ரஞ்சித் குமார், எஸ்.ஐ. பணி நியமன ஆணையை போலியாக தயாரித்து சீனிவாசனுக்கு வழங்கினார். அதை நம்பிய சீனிவாசன், அந்த ஆணையுடன் காவல் துறை அலுவலகம் சென்றபோது, அது போலியானது என்பது தெரியவந்தது.

இதுகுறித்து சீனிவாசன் சென்னை காவல் ஆணையர் அலுவலகத்தில் புகார் அளித்தார். விசாரணைக்கு மத்திய குற்றப்பிரிவு போலீசார் நியமிக்கப்பட்டனர். அவர்கள் நடத்திய விசாரணையில், ரஞ்சித் குமார் மீது குற்றச்சாட்டு உண்மையென உறுதி செய்யப்பட்டது.இதையடுத்து தலைமறைவாக இருந்த ரஞ்சித் குமாரை திருவாரூர் மாவட்டம் மன்னார்குடியில் பதுங்கியிருந்த இடத்தில் போலீசார் கைது செய்தனர். அவரிடமிருந்து போலியான பணியாணைகள், வங்கி பாஸ்புக் மற்றும் பல ஆவணங்கள் பறிமுதல் செய்யப்பட்டன.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!