நெருங்கிய நண்பர்கள் இப்போது மச்சினர்கள்... ஒரே மண்டபத்தில் அரங்கேறிய விசித்திரத் திருமணம்!

சினிமா கதைகளில் மட்டுமே வரக்கூடிய ஒரு சுவாரசியமான மெகா பிளான், நிஜ வாழ்க்கையிலும் அரங்கேறி சமூக வலைதளங்களில் பலரின் கவனத்தை ஈர்த்து வருகிறது. நீண்ட காலமாக உயிர்த் தோழர்களாகப் பழகி வந்த இரு நண்பர்கள், தங்களின் நட்பை அடுத்த கட்டத்திற்கு எடுத்துச் செல்ல ஒரு விசித்திரமான முடிவை எடுத்துள்ளனர். உறவினர்கள் மற்றும் நண்பர்கள் முன்னிலையில் ஒரே திருமண மண்டபத்தில் நடைபெற்ற இந்தத் திருமணம், தற்போது இணையத்தில் பெரும் பேசுபொருளாக மாறியுள்ளது.

அந்த இரு நண்பர்களும் தங்களுக்குள் ஆலோசித்து, ஒருவரின் சகோதரியை மற்றொருவர் திருமணம் செய்து கொள்வது என ஒரு பிரம்மாண்டமான திட்டத்தைத் தீட்டினர். இதன்படி, முதல் நண்பர் தனது தோழனின் தங்கைக்குத் தாலிகட்ட, அதே மேடையில் அடுத்த சில நிமிடங்களில் இரண்டாவது நண்பர் தனது தோழனின் சகோதரியைக் கைப்பிடித்துள்ளார். ஒரே குடும்பத்தைச் சேர்ந்தவர்கள் போலப் பழகிய நண்பர்கள், தற்போது இந்தத் திருமணத்தின் மூலம் முறைப்படி ஒருவருக்கொருவர் மச்சினர்களாக மாறியுள்ளனர்.

இந்த இரட்டைத் திருமணத்திற்கு இருதரப்புப் பெற்றோர்களும் எவ்வித எதிர்ப்பும் தெரிவிக்காமல் முழுச் சம்மதம் தெரிவித்து, முறைப்படி முன்னின்று திருமணத்தை நடத்தி வைத்துள்ளனர். ஒரே நேரத்தில் இரண்டு குடும்பங்களின் சுபநிகழ்ச்சியும் ஒரே மேடையில் சுமுகமாக முடிந்ததால், திருமணத்திற்கு வந்திருந்த உறவினர்கள் தங்களின் மகிழ்ச்சியை வெளிப்படுத்தியுள்ளனர். திரைப்படம் போன்ற பாணியில் அமைந்துள்ள இவர்களின் இந்தத் திருமணப் புகைப்படங்கள், தற்போது இணையத்தில் பலராலும் ரசிக்கப்பட்டு வருகிறது.