டெல்லியில் நீட் தேர்வு வினாத்தாள் கசிவைக் கண்டித்துத் தொடர்ந்து போராடி வரும் மாணவர்களுக்கு ஆதரவாக 'மிஸ் யுனிவர்ஸ் இந்தியா 2025' மணிகா விஸ்வகர்மா குரல் கொடுத்துள்ளது பெரும் கவனத்தைப் பெற்றுள்ளது.

டெல்லியில் தீவிரமடைந்து வரும் நீட் தேர்வு தொடர்பான மாணவர் போராட்டம் குறித்துத் தனது ஆதரவைத் தெரிவித்த மணிகா விஸ்வகர்மா, வினாத்தாள் கசிவு குறித்துக் கடுமையான கருத்துகளைப் பகிர்ந்துள்ளார்.

"வினாத்தாள் கசிவு என்பது வெறும் தேர்வு முறைக்கேடு மட்டுமல்ல, அது இரவு பகலாக உழைத்துப் படித்த லட்சக்கணக்கான மாணவர்களின் நம்பிக்கையையும் எதிர்காலத்தையும் தகர்த்துவிட்டது. இது மாணவர்களின் நீதிக்கான நியாயமான போராட்டம்" என்று அவர் குறிப்பிட்டுள்ளார்.

தேர்வுகளின் வெளிப்படைத்தன்மையும் மாணவர்களின் உழைப்பிற்கு ஏற்ற நீதியும் உடனடியாக உறுதி செய்யப்பட வேண்டும் என்றும் அவர் வலியுறுத்தினார். மத்திய அரசின் தாமதமான நடவடிக்கைகள் குறித்தும் அவர் தனது கண்டனத்தைப் பதிவு செய்துள்ளார்.

இந்த விவகாரத்தில் பிரதமர் நரேந்திர மோடியின் பதில் மற்றும் தலையீடு மிகவும் தாமதமானது எனக் குறிப்பிட்ட அவர், அரசு இந்த விவகாரத்தின் தீவிரத்தைப் உணர்ந்து ஆரம்பத்திலேயே மாணவர்களுடன் பேச்சுவார்த்தை நடத்தியிருக்க வேண்டும் என்று சாடினார்.

முக்கிய வீராங்கனைகள் மற்றும் பிரபலங்களைத் தொடர்ந்து, மிஸ் யுனிவர்ஸ் இந்தியா அழகியும் மாணவர் போராட்டத்திற்கு ஆதரவு தெரிவித்துள்ளதால், நீட் தேர்வு எதிர்ப்புப் போராட்டம் தேசிய அளவில் கூடுதல் கவனத்தைப் பெற்றுள்ளது.