சென்னை, செங்கல்பட்டு உட்பட 16 மாவட்டங்களில் மிதமான மழைக்கு வாய்ப்பு!

தமிழ்நாட்டில் சென்னை, செங்கல்பட்டு, திருவள்ளூர், காஞ்சிபுரம், ராணிப்பேட்டை, திருவண்ணாமலை, விழுப்புரம், கள்ளக்குறிச்சி, கடலூர், திருச்சி, அரியலூர், பெரம்பலூர், சேலம், நாமக்கல், திருவாரூர், தஞ்சாவூர் ஆகிய 16 மாவட்டங்களில் இன்று மிதமான மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. இந்த திடீர் மழை வாய்ப்பு காரணமாக அப்பகுதி மக்களும் விவசாயிகளும் மகிழ்ச்சி அடைந்துள்ளனர்.

குறிப்பிட்ட இந்த மாவட்டங்களில் அடுத்த சில மணி நேரங்களுக்கு வானம் ஓரளவு மேகமூட்டத்துடன் காணப்படும் என்றும் சில இடங்களில் லேசானது முதல் மிதமான மழை பெய்யக்கூடும் என்றும் தெரிவிக்கப்பட்டுள்ளது. வெப்பம் தணிந்து குளிர்ச்சியான சூழல் நிலவக்கூடும் என்பதால் பொதுமக்கள் இயல்பு வாழ்க்கையில் சற்று நிம்மதி அடைவார்கள் என எதிர்பார்க்கப்படுகிறது.

வானிலை மாற்றங்கள் காரணமாகத் தேவையான முன்னெச்சரிக்கை நடவடிக்கைகளை மேற்கொள்ளுமாறு சம்பந்தப்பட்ட துறை அதிகாரிகளுக்கு அறிவுறுத்தப்பட்டுள்ளது. மேலும் மீனவர்கள் மற்றும் பொதுமக்களுக்குத் தேவையான வானிலை எச்சரிக்கைகள் அவ்வப்போது வழங்கப்படும் என்றும் வானிலை மையம் தரப்பில் தெரிவிக்கப்பட்டுள்ளது.