ஐபிஎல் சீசன் களைகட்டியுள்ள நிலையில், சிஎஸ்கே ரசிகர்களுக்கு ஒரு 'மெகா' ஜாக்பாட் செய்தி கிடைத்துள்ளது. இந்த சீசனில் தசைநார் காயம் காரணமாக இதுவரை ஒரு போட்டியில் கூட விளையாடாமல் பெஞ்சில் அமர்ந்திருந்த 'தல' தோனி, ஒரு வழியாக காயத்திலிருந்து மீண்டுவிட்டார். வரும் ஏப்ரல் 23-ஆம் தேதி மும்பை வான்கேடே மைதானத்தில் நடைபெறவுள்ள பரம எதிரியான மும்பை இந்தியன்ஸ் அணிக்கு எதிரான மோதலில், தோனி களமிறங்குவது கிட்டத்தட்ட உறுதியாகியுள்ளது.

நடப்புத் தொடரில் இதுவரை ஆடிய 5 போட்டிகளில் 2-ல் மட்டுமே வெற்றி பெற்றுள்ள சென்னை அணி, புள்ளிகள் பட்டியலில் சற்று பின்தங்கியுள்ளது. ருதுராஜ் தலைமையிலான இளம் படைக்கு களத்தில் வழிகாட்ட ஒரு மூத்த வீரர் இல்லையே என்ற குறை ரசிகர்களிடையே இருந்து வந்தது. இந்நிலையில், தோனி மீண்டும் பேட் பிடிக்க வருவது சிஎஸ்கே முகாமிற்கு அசுர பலத்தைக் கொடுத்துள்ளது. வலைப்பயிற்சியில் தோனி ஹெலிகாப்டர் ஷாட்டுகளைப் பறக்கவிடுவதைப் பார்த்த ரசிகர்கள், இப்போதே கொண்டாட்டத்தைத் தொடங்கிவிட்டனர்.

ஏற்கனவே மும்பை - சென்னை போட்டிகள் என்றாலே அனல் பறக்கும், இதில் 'தல' என்ட்ரி கொடுக்கப்போகிறார் என்ற தகவல் வெளியானதும் டிக்கெட் விற்பனை மின்னல் வேகத்தில் தீர்ந்து வருகிறது. 40 வயதைத் தாண்டினாலும் தோனியின் 'பினிஷிங்' ஸ்டைலைப் பார்க்க ஒட்டுமொத்த கிரிக்கெட் உலகமும் ஆவலாகக் காத்திருக்கிறது. ஏப்ரல் 23-ல் மும்பை மைதானம் மஞ்சள் மயமாக மாறப்போவது உறுதி!