கோவில் திருவிழாவில் வாலிபரை அடித்து கொலை செய்து கிணற்றில் வீசிய கும்பல்... பெரும் பரபரப்பு! 

வேலூர் மாவட்டம் காட்பாடியை அடுத்த கல்புதூர் கிராமத்தில் உள்ள புகழ்பெற்ற கங்கையம்மன் கோயில் திருவிழா கடந்த ஞாயிற்றுக்கிழமை அன்று மிக விமரிசையாக நடைபெற்றது. இந்தத் திருவிழாவின் போது அங்கிருந்த வாலிபர்கள் சிலருக்கு இடையே யாரும் எதிர்பாராத வகையில் திடீரென வாய்த்தகராறு ஏற்பட்டு, அது பின்னர் இருதரப்பு பயங்கர மோதலாக மாறியுள்ளது. இந்த  மோதலின் உச்சக்கட்டமாக, கல்புதூர் பகுதியைச் சேர்ந்த சிவா என்பவரின் 21 வயது மகனும், தனியார் கம்பெனி ஊழியருமான தினகரன் என்ற இளைஞர் மட்டும் எதிர்தரப்பிடம் தனியாகச் சிக்கியுள்ளார்.

அவரை வண்டறந்தாங்கல் கிராமத்தைச் சேர்ந்த மர்ம வாலிபர்கள் சிலர் தங்களது கைகளில் இருந்த பயங்கர ஆயுதங்களால் முகம் மற்றும் தலைப் பகுதிகளில் எவ்வித இரக்கமுமின்றி சரமாரியாகத் தாக்கிவிட்டுக் காரிருளில் தப்பியோடியுள்ளனர். இந்தத் தாக்குதலுக்குப் பிறகு தினகரன் திடீரென மாயமானதைத் தொடர்ந்து, அவரது பெற்றோர் மற்றும் உறவினர்கள் பல்வேறு இடங்களில் தேடியும் அவர் கிடைக்கவில்லை. இந்நிலையில் நேற்று அப்பகுதியில் உள்ள ஒரு பாழடைந்த விவசாயக் கிணற்றில் தினகரன் முகம் சிதைந்த நிலையில் சடலமாகக் கண்டெடுக்கப்பட்டது ஏழை எளிய நுகர்வோர் பொதுமக்கள் மத்தியில் பெரும் சோகத்தை ஏற்படுத்தியது.

இச்சம்பவம் குறித்துத் தகவலறிந்து விரைந்து வந்த காட்பாடி போலிசார், தினகரனின் உடலை மீட்டுப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இக்கொடூரக் கொலைத் தொடர்பாகக் கல்புதூரைச் சேர்ந்த நரசிம்மன், வண்டறந்தாங்கல் கிராமத்தைச் சேர்ந்த ஜீவா, சக்திதரன், சசிகுமார், நவீன் ஆகிய 5 பேரைப் போலிசார்  பிடித்துத் தீவிர விசாரணை நடத்தி வருகின்றனர். அத்துடன் இந்தத் திருவிழாக் கொலையில் தலைமறைவாக உள்ள முக்கியக் குற்றவாளியான கௌதம் என்கிற குட்டி ஜானியைப் போலிசார்   வலைவீசித் தேடி வருகின்றனர்.