நேபாள வெள்ளத்தில் சிக்கிய 37 தமிழர்கள்; தமிழக அரசு அவசர உதவி எண் அறிவிப்பு!

நேபாளத்தில் ஏற்பட்ட திடீர் வெள்ளப்பெருக்கு காரணமாக தமிழகத்தைச் சேர்ந்த 37 பேர் அங்குள்ள பகுதிகளில் சிக்கியுள்ளதாகத் தகவல்கள் வெளியாகியுள்ளன. இந்தச் சூழ்நிலையில் அவர்களை மீட்கும் பணிகளைத் தீவிரப்படுத்துமாறு அரசு தரப்பில் உரிய நடவடிக்கைகள் எடுக்கப்பட்டு வருகின்றன. பாதிக்கப்பட்டவர்களுக்கு உதவிகரமாக இருக்கத் தமிழக அரசின் சார்பில் அவசர உதவி எண்களும் அறிவிக்கப்பட்டுள்ளன.

வெளிநாடுகளில் வசிக்கும் தமிழர்களின் நலனைக் காக்கும் துறையின் மூலமாக இந்த உதவி எண்கள் முழுமையாகச் செயல்பட்டு வருகின்றன. இந்தியாவில் உள்ளவர்கள் தொடர்புகொள்ள கட்டணமில்லா தொலைபேசி எண்ணும், வெளிநாடுகளில் இருந்து தொடர்புகொள்ள பிரத்யேக எண்ணும் இயக்கப்பட்டு வருகிறது. இதன் மூலம் உறவினர்கள் உடனடியாகத் தேவையான தகவல்களைப் பெற்றுக்கொள்ள முடியும்.அவர்களை மீட்க தமிழக அரசு அவசர உதவி எண்களை அறிவித்துள்ளது.அதன்படி  இந்தியாவில் இருந்து 1800 309 3793 என்ற எண்ணிலும், வெளிநாடுகளில் இருந்து +91 80 6900 9900 என்ற எண்ணுக்கு மிஸ்டு கால் மூலமும் தொடர்பு கொள்ளலாம். மேலும் +91 80 6900 9901 என்ற எண்ணுக்கு குறுந்தகவல் அனுப்பியும் உதவி பெறலாம். தமிழக அரசின் உதவி மையத்தின் வாட்ஸ்அப் எண் 9289516712 ஆகும்.

வெள்ளத்தில் சிக்கியவர்களைப் பாதுகாப்பாக மீட்க மத்திய வெளியுறவுத்துறை மற்றும் நேபாளத்தில் உள்ள இந்தியத் தூதரகத்துடன் அதிகாரிகள் இணைந்து தீவிரமாகச் செயல்பட்டு வருகின்றனர். மீட்புப் பணிகள் மற்றும் பாதுகாப்பு நடவடிக்கைகள் குறித்த தொடர் கண்காணிப்பில் துறை சார்ந்த அமைச்சர்களும் அதிகாரிகளும் ஈடுபட்டுள்ளனர். பொதுமக்கள் தேவையற்ற வதந்திகளை நம்ப வேண்டாம் என்றும் அரசு தரப்பில் கேட்டுக்கொள்ளப்பட்டுள்ளது.