கூட்டத்தொடரின் முதல் நாளிலேயே தவெக அரசு மீது நம்பிக்கையில்லாத் தீர்மானம் - எதிர்க்கட்சிகள் வியூகம்! 

 

தமிழக சட்டமன்றத்தின் அடுத்த கூட்டத்தொடர் தொடங்கும்போது, ஆளும் தவெக அரசுக்கு எதிராக நம்பிக்கையில்லாத் தீர்மானம் ஒன்றைக் கொண்டுவரத் திமு மற்றும் அதிமுக உள்ளிட்ட எதிர்க்கட்சிகள் மறைமுகக் கூட்டணி அமைத்துத் திட்டமிட்டு வருவதாகத் தகவல்கள் வெளியாகியுள்ளன. இந்த அரசியல் நகர்வை முறியடித்து ஆட்சியைக் காப்பாற்றிக்கொள்ளும் முயற்சியில் தவெக தலைமை தீவிரமாக இறங்கியுள்ளது.

சட்டமன்றத்தில் பலத்தை நிரூபிக்கவும், ஆளுங்கட்சியான தவெக அரசுக்கு நெருக்கடி கொடுக்கவும் எதிர்க்கட்சிகளான திமுக மற்றும் அதிமுக ஆகிய கட்சிகள் கைகோர்த்துச் செயல்படத் திட்டமிட்டுள்ளதாகத் தெரிகிறது. வரவிருக்கும் சட்டமன்றக் கூட்டத்தொடரின் முதல் நாளிலேயே நம்பிக்கையில்லாத் தீர்மானத்தைக் கொண்டுவந்து அரசின் பெரும்பான்மையைச் சோதிக்க எதிர்க்கட்சிகள் வியூகம் வகுத்துள்ளன.

எதிர்க்கட்சிகளின் இந்த அதிரடி நகrவைச் சமாளித்து ஆட்சியைத் தக்கவைக்கும் நோக்கில், தவெக தரப்பில் அவசர ஆலோசனைகள் நடத்தப்பட்டு வருகின்றன. இதன் ஒரு பகுதியாக, சட்டமன்றத்தில் பலத்தை உறுதிப்படுத்தும் வகையில் இடதுசாரிக் கட்சித் தலைவர்களைத் தவெக தரப்பு நேரடியாகச் சந்தித்துப் பேசி வருகிறது. மேலும், அரசுக்குத் தொடர்ந்து தங்களது ஆதரவை வழங்குமாறு தவெக தலைவர்கள் விடுத்த கோரிக்கைகள் அரசியல் வட்டட்டத்தில் மிகுந்த எதிர்பார்ப்பை ஏற்படுத்தியுள்ளன. வரவிருக்கும் சட்டமன்றக் கூட்டத்தொடர் தமிழக அரசியலில் பெரும் பரபரப்பை ஏற்படுத்தும் என எதிர்பார்க்கப்படுகிறது.