இன்று முதல் ஆன்லைன் பத்திரப்பதிவு ... முதல்வர் தொடங்கி வைப்பு !

வீடு மற்றும் மனை வாங்குவோர் எளிதாக ஆன்லைன் மூலம் பத்திரப்பதிவு செய்யும் புதிய திட்டத்தை முதலமைச்சர் விஜய் இன்று தொடங்கி வைக்கிறார். இதன் மூலம் பொதுமக்கள் சார்பதிவாளர் அலுவலகத்திற்குச் செல்லாமல் தங்களது வீடுகளில் இருந்தபடியே பத்திரங்களை எளிதாகப் பதிவு செய்ய முடியும். கட்டுமான நிறுவன அலுவலகத்தில் இருந்தபடியே அனைத்துப் பத்திரப்பதிவு பணிகளையும் மேற்கொள்ளும் வசதி இதன் மூலம் உருவாக்கப்பட்டுள்ளது.

முதல் மனை விற்பனை, முதல் அடுக்குமாடி குடியிருப்பு விற்பனை, தமிழ்நாடு வீட்டு வசதி வாரிய விற்பனை ஆவணங்கள் ஆன்லைனில் பதிவு செய்யப்படலாம். மேலும் வங்கிக் கடனுக்கான அடமானம் மற்றும் ரசீது ஆவணங்களையும் இந்த ஆன்லைன் சேவை மூலம் எளிய முறையில் பதிவு செய்ய வழிவகை செய்யப்பட்டுள்ளது. பொதுமக்களின் நீண்ட நாள் கோரிக்கையை ஏற்றுச் செயல்படுத்தப்பட்டுள்ள இந்தத் திட்டத்தின் மூலம் பொதுமக்கள் அலுவலகங்களில் வரிசையில் நிற்பது தவிர்க்கப்படும்.

புதிய ஆன்லைன் பத்திரப்பதிவு திட்டத்தால் அரசு அலுவலகங்களில் கூட்ட நெரிசல் குறைவதுடன் பொதுமக்களின் நேரமும் பெருமளவில் மிச்சமாகும். பொதுமக்கள் அனைவரும் இந்த நவீன வசதியைப் பயன்படுத்திப் பயனடைய வேண்டும் என்று அரசு தரப்பில் கேட்டுக்கொள்ளப்பட்டுள்ளது. ஆன்லைன் சேவைகளை விரிவுபடுத்தும் தமிழக அரசின் இந்த அதிரடி நடவடிக்கைக்குப் பொதுமக்கள் மத்தியில் பெரும் வரவேற்பு கிடைத்துள்ளது.