மீண்டும் ஆன்லைன் வகுப்பு... மோடி அரசின் திடீர் உத்தரவால் பரபரப்பு ...பழையபடி ‘ஒர்க் ப்ரம் ஹோம்’ அமல்!

மேற்கு ஆசியாவில் ஈரான், இஸ்ரேல் மற்றும் அமெரிக்கா இடையே நிலவி வரும் போர் பதற்றத்தால், சர்வதேச அளவில் எரிபொருள் தட்டுப்பாடு ஏற்படும் சூழல் உருவாகியுள்ளது. இதனைச் சமாளிக்க முன்னெச்சரிக்கை நடவடிக்கையாக, இந்தியாவில் உள்ள அனைத்துப் பள்ளிகளும் மீண்டும் ஆன்லைன் வகுப்புகள் மூலம் கற்பித்தலைத் தொடங்க வேண்டும் எனப் பிரதமர் நரேந்திர மோடி அதிரடி உத்தரவிட்டுள்ளார். தேவையற்ற எரிபொருள் பயன்பாட்டைக் குறைக்கும் நோக்கில் இந்த முக்கிய முடிவு எடுக்கப்பட்டுள்ளது.

பள்ளிகளைத் தொடர்ந்து, தனியார் நிறுவனங்களும் கொரோனா காலத்தைப் போலவே தங்களது ஊழியர்களுக்கு ‘வீட்டிலிருந்தே பணி’ (Work From Home) முறையை மீண்டும் அமல்படுத்த வேண்டும் என்று பிரதமர் அறிவுறுத்தியுள்ளார். போக்குவரத்து நெரிசலைக் குறைப்பதன் மூலம் பெட்ரோல், டீசல் தேவையை மிச்சப்படுத்த முடியும் என அரசு கருதுகிறது. மத்திய அரசின் இந்தத் திடீர் அறிவிப்பால் ஐடி ஊழியர்கள் மற்றும் பள்ளி மாணவர்கள் மத்தியில் பெரும் பரபரப்பு ஏற்பட்டுள்ளது.

இந்த அறிவிப்பு மக்களிடையே ஒருவித கலவையான உணர்வை ஏற்படுத்தியுள்ளது. எரிபொருள் சிக்கனத்திற்கு இது சிறந்த வழி என ஒரு தரப்பினர் வரவேற்றாலும், மீண்டும் ஆன்லைன் வகுப்புகளால் மாணவர்களின் கல்வி பாதிக்கப்படும் எனப் பெற்றோர்கள் கவலை தெரிவிக்கின்றனர். இருப்பினும், நாட்டின் பொருளாதாரப் பாதுகாப்பைக் கருதி பொதுமக்கள் ஒத்துழைப்பு வழங்க வேண்டும் என அரசு கேட்டுக்கொண்டுள்ளது. சர்வதேசச் சூழலுக்கு ஏற்ப அடுத்தகட்ட அறிவிப்புகள் வெளியாகும் என எதிர்பார்க்கப்படுகிறது.