பாக்யராஜின் சுயசரிதைக்கு மறைவுக்கு பின் முன்னுரை எழுதிய வைரமுத்து ... மனைவி பூர்ணிமாவிடம் நேரில் வழங்கி உருக்கம்!

தமிழ் சினிமா உலகில் முத்திரை பதித்த புகழ்பெற்ற இயக்குநரான பாக்யராஜ் தனது மறைவுக்கு முன், தான் எழுதி வந்த சுயசரிதை நூலுக்குச் சிறப்பான முன்னுரை ஒன்றை எழுதித் தருமாறு கவிப்பேரரசு வைரமுத்துவிடம் அன்போடு கேட்டுக்கொண்டிருந்தார். இந்த விபரத்தை வைரமுத்து   தனது அதிகாரப்பூர்வமான எக்ஸ் (X) சமூக வலைதளப் பக்கத்தில் பதிவிட்டு உறுதிப்படுத்தியுள்ளார். ஆனால் அந்த உன்னதமான முன்னுரை எழுதி முடிக்கப்படுவதற்கு முன்பாகவே இயக்குநர் பாக்யராஜ் திடீரென உயிரிழந்த துயரச் சம்பவம் அரங்கேறியுள்ளது.

16 வயதினிலே படப்பிடிப்பு

சப்பாணியை அடித்த
பரட்டையை
ஸ்ரீதேவி திட்டித் தீர்க்கும் காட்சி

பேசிமுடித்து
ரஜினி முகத்தில்
காறித் துப்ப வேண்டும்

அந்தக் கற்றைக்காகத்
தயாரித்து வைத்திருந்த
சோப்பு நுரை
பலமுறை எடுத்தும்
முகத்தில் சரியாகப் படியவில்லை

‘உண்மையாகவே
காறித் துப்புங்கள்’… pic.twitter.com/Tf3TlWXW2v

— வைரமுத்து (@Vairamuthu) July 5, 2026

இயக்குநர் பாக்யராஜின் ஆசையை நிறைவேற்றும் பொருட்டு, கவிப்பேரரசு வைரமுத்து தான் எழுதி முடித்த அந்தச் சிறப்பு முன்னுரையைப் பாக்யராஜின் இல்லத்திற்கு நேரில் சென்று அவரது மனைவி பூர்ணிமாவிடம் முறைப்படி வழங்கியுள்ளார். கணவரின் நினைவாக எழுதப்பட்ட அந்தப் பக்கங்களைப் பெற்றுக்கொண்ட பூர்ணிமா மற்றும் அவரது குடும்பத்தினர் மிகுந்த நெகிழ்ச்சியடைந்தனர். தங்களின் நீண்ட கால நட்பின் அடையாளமாக இந்த முன்னுரையை வைரமுத்து எழுதி முடித்துக் கொடுத்துள்ளார்.

இந்தச் சந்திப்பின் போது செய்தியாளர்களிடம் பேசிய கவிப்பேரரசு வைரமுத்து, இந்தச் சுயசரிதை நூல் மிகவும் உயிர்த்துடிப்புள்ள ஒரு அரிய புத்தகம் என்று நெஞ்சாரப் பாராட்டியுள்ளார். மேலும் இதனை யார் வெளியிட்டாலும் சரி, எவ்வித காலதாமதமும் செய்யாமல் உடனே அச்சிட்டு வெளியிடுங்கள் என்று பூர்ணிமாவிடம் மிகவும் உருக்கமாகத் தெரிவித்துள்ளார். கலை உலகிற்குப் பெரும் பொக்கிஷமாக அமையவிருக்கும் இந்த நூல் குறித்த வைரமுத்துவின் பதிவு  இணையத்தில் வைரலாகி வருகிறது.