💔 திருமணமாகி 7 மாதங்களே ஆன நிலையில் சோகம்... அரசு பஸ் மோதி புதுமணப்பெண் பலி!

By Sujatha Sep 13, 2026, 16:40 IST

கடலூர் மாவட்டம் பண்ருட்டி அருகே இருசக்கர வாகனத்தில் கணவருடன் சென்ற புதுமணப்பெண், அரசு பேருந்து மோதிய விபத்தில் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.பண்ருட்டி அருகே விஜயஸ்ரீ (24) தனது கணவர் சிவானந்தத்துடன் இருசக்கர வாகனத்தில் சென்று கொண்டிருந்தார். அப்போது அவர்கள் சென்ற வாகனம் மீது அரசுப் பேருந்து மோதியதாக கூறப்படுகிறது.

இந்த விபத்தில் விஜயஸ்ரீ சம்பவ இடத்திலேயே உயிரிழந்தார். அவருக்கு திருமணமாகி 7 மாதங்களே ஆன நிலையில், இந்த துயர சம்பவம் நிகழ்ந்துள்ளது.விபத்தில் அவரது கணவர் சிவானந்தம் லேசான காயங்களுடன் உயிர் தப்பினார்.

தகவல் அறிந்து சம்பவ இடத்திற்கு வந்த போலீசார், விஜயஸ்ரீயின் உடலை மீட்டு பண்ருட்டி அரசு மருத்துவமனைக்கு அனுப்பி வைத்தனர். மேலும், விபத்து குறித்து வழக்குப்பதிவு செய்து விசாரணை நடத்தி வருகின்றனர்.திருமணமாகி சில மாதங்களே ஆன நிலையில் புதுமணப்பெண் விபத்தில் உயிரிழந்த சம்பவம் அவரது குடும்பத்தினர் மற்றும் உறவினர்களிடையே பெரும் சோகத்தை ஏற்படுத்தியுள்ளது.