13 ஆண்டு திருமண வாழ்க்கைக்கு முற்றுப்புள்ளி! பவன் கல்யாண் – அன்னா கூட்டாக வெளியிட்ட அறிவிப்பு!

தெலுங்கு திரையுலகின் முன்னணி நடிகரும், ஆந்திர மாநில துணை முதலமைச்சருமான பவன் கல்யாண், தனது மனைவி அன்னா கோனிடலாவை பிரிவதாக அறிவித்துள்ளார். 13 ஆண்டுகளாக நீடித்த திருமண வாழ்க்கையை முடிவுக்குக் கொண்டுவர இருவரும் பரஸ்பர புரிதலுடன் முடிவு செய்துள்ளனர்.

கடந்த நவம்பர் 9-ம் தேதி இரவு இருவரும் கூட்டாக வெளியிட்ட அறிக்கையில், நீண்ட காலம் இணைந்து வாழ்ந்த நிலையில், பரஸ்பர புரிதலும் மரியாதையும் அடிப்படையாகக் கொண்டு பிரிய முடிவு செய்துள்ளதாகத் தெரிவித்துள்ளனர்.

மேலும், திருமண உறவு முடிவுக்கு வந்தாலும் நல்ல நண்பர்களாகவும், தங்களது குழந்தைகளுக்கு அர்ப்பணிப்புள்ள பெற்றோர்களாகவும் தொடர்ந்து இருப்போம் எனக் குறிப்பிட்டுள்ளனர். குழந்தைகளின் மகிழ்ச்சியும் நலனுமே தங்களது முதன்மையான முன்னுரிமை என்றும் தெரிவித்துள்ளனர்.

தங்களது தனிப்பட்ட வாழ்க்கையில் ஏற்பட்டுள்ள இந்த மாற்றத்தின்போது தனியுரிமைக்கு மதிப்பளிக்க வேண்டும் என்றும் ரசிகர்கள், நண்பர்கள் மற்றும் நலம் விரும்பிகளிடம் கேட்டுக்கொண்டுள்ளனர்.

கடந்த 2013-ம் ஆண்டு செப்டம்பர் மாதம் பவன் கல்யாண் - அன்னா திருமணம் நடைபெற்றது. இவர்களுக்கு இரண்டு குழந்தைகள் உள்ளனர். இந்த அறிவிப்பு தெலுங்கு திரையுலகினர் மற்றும் ஜனசேனா கட்சியினர் மத்தியில் கவனத்தைப் பெற்றுள்ளது.