பிலிப்பைன்ஸ் படகில் பயங்கர தீ விபத்து... பலி எண்ணிக்கை 35 ஆக உயர்வு!
ஆசியாவில் அமைந்துள்ள தீவு நாடான பிலிப்பைன்ஸில் படகு போக்குவரத்து அதிக அளவில் பயன்படுத்தப்பட்டு வருகிறது. அந்நாட்டின் தலைநகர் மணிலாவில் இருந்து பலாவான் மாகாணத்தில் உள்ள கோரன் நகருக்கு நேற்று முன்தினம் சென்றுகொண்டிருந்த படகில், 132 பேர் பயணித்தனர். இப்படகில் பைக்குகள், கார்கள், அத்தியாவசியப் பொருட்கள் என பல்வேறு சரக்குகளும் கொண்டு செல்லப்பட்டன.
-
தீ விபத்து மற்றும் மீட்புப் பணிகள்: கோரன் நகருக்கு அருகே சென்றபோது நடுக்கடலில் வைத்து படகில் திடீரென தீ விபத்து ஏற்பட்டு, அது முற்றிலும் எரிந்து நாசமானது. தகவலறிந்து விரைந்து சென்ற மீட்புக்குழுவினர் படகில் இருந்தவர்களை மீட்கும் பணியில் ஈடுபட்டனர்.
-
உயிரிழப்பு விவரம்: ஆரம்பத்தில் 5 பேர் பலியானதாகத் தகவல் வெளியான நிலையில், மீட்புப்பணியின்போது மேலும் 30 பேரின் உடல்கள் மீட்கப்பட்டதை அடுத்து பலி எண்ணிக்கை 35 ஆக அதிகரித்துள்ளது.
-
காணாமல் போனவர்கள் தேடல்: இப்படகில் இருந்து 43 பேர் உயிருடன் மீட்கப்பட்டனர். எனினும், இந்த விபத்தில் 54 பேர் மாயமாகியுள்ள நிலையில் அவர்களைத் தேடும் பணி தொடர்ந்து தீவிரமாக நடைபெற்று வருகிறது.