இந்தியாவின் 80-வது சுதந்திர தின விழா நாடு முழுவதும் கோலாகலமாகக் கொண்டாடப்பட்டு வரும் வேளையில், தலைநகர் டெல்லியில் உள்ள வரலாற்றுச் சிறப்புமிக்க செங்கோட்டையில் பிரதமர் நரேந்திர மோடி தேசியக் கொடியை ஏற்றி வைத்துச் சிறப்புரையாற்றினார்.

சுதந்திர தினக் கொண்டாட்டங்களின் தொடக்கமாக, பிரதமர் மோடி டெல்லி ராஜ்காட்டில் உள்ள தேசத்தந்தை மகாத்மா காந்தியின் நினைவிடத்திற்குச் சென்று மலர் தூவி மரியாதை செலுத்தினார். அதைத் தொடர்ந்து செங்கோட்டைக்கு வருகை தந்த பிரதமரை, முப்படைகளின் உயராதிகாரிகள் வரவேற்றனர். பின்னர் முப்படை வீரர்களின் கம்பீரமான ராணுவ அணிவகுப்பு மரியாதையை அவர் ஏற்றுக்கொண்டார்.

பிரதமர் நரேந்திர மோடி தொடர்ச்சியாக 13-வது முறையாகச் செங்கோட்டையில் மூவர்ணத் தேசியக் கொடியை ஏற்றிவைத்து நாட்டிற்குச் பெருமை சேர்த்தார். கொடியேற்றதைத் தொடர்ந்து தேசிய கீதம் இசைக்கப்பட்டு, முப்படைகளின் மரியாதையும் பீரங்கி முழக்கங்களும் வழங்கப்பட்டன.

இந்த வரலாற்றுச் சிறப்புமிக்க விழாவில் மத்திய அமைச்சர்கள், பல்வேறு நாடுகளின் தூதர்கள், முப்படைகளின் தளபதிகள், ராணுவ வீரர்கள், சுதந்திர போராட்டத் தியாகிகளின் குடும்பத்தினர் மற்றும் ஆயிரக்கணக்கான பொதுமக்கள் கலந்துகொண்டு சுதந்திர தின விழாவைச் சிறப்பித்தனர்.