வட அட்லாண்டிக் கடலில் அமைந்துள்ள பெர்முடா தீவில் இருந்து அமெரிக்கா நோக்கிப் புறப்பட்ட சிறிய ரக விமானம் ஒன்று, கட்டுப்பாட்டு அறையுடனான தொடர்பை இழந்து நடுவானில் மாயமாகியுள்ளது.

பெர்முடா சர்வதேச விமான நிலையத்தில் இருந்து அமெரிக்காவின் மாசசூசெட்ஸ் மாகாணம் பாஸ்டன் நகரை நோக்கி கல்ப்ஸ்டிரீம் ஜி-100 சிறிய ரக விமானம் ஒன்று புறப்பட்டது. இந்த விமானத்தில் மொத்தம் 6 பேர் பயணித்தனர்.

விமானம் அமெரிக்காவின் நன்டக்கெட் தீவு அருகே நடுவானில் பறந்துகொண்டிருந்தபோது, திடீரெனக் கட்டுப்பாட்டு அறையுடனான ரேடார் தொடர்பை முழுமையாக இழந்தது. மாயமான இந்த விமானம் வடக்கு அட்லாண்டிக் கடற்பகுதியில் விபத்துக்குள்ளாகி விழுந்திருக்கலாம் என அஞ்சப்படுகிறது. இதனையடுத்து, கடலோரக் காவல் மற்றும் மீட்புக் குழுவினர் இணைந்து மாயமான விமானத்தைத் தீவிரமாகத் தேடி வருகின்றனர்.