ரோகித் சர்மா கேரளா வருகை...   விராட் கோலியுடன் மீண்டும் களமிறங்குகிறார்!

வெஸ்ட் இண்டீஸ் அணிக்கு எதிரான ஒருநாள் கிரிக்கெட் தொடரில் பங்கேற்பதற்காக இந்திய அணியின் முன்னாள் கேப்டன் ரோகித் சர்மா இன்று கேரளா வந்தடைந்தார்.இந்தியா - வெஸ்ட் இண்டீஸ் அணிகள் இடையிலான 3 போட்டிகள் கொண்ட ஒருநாள் தொடர் வரும் செப்டம்பர் 27-ம் தேதி திருவனந்தபுரத்தில் உள்ள கிரீன்ஃபீல்டு சர்வதேச மைதானத்தில் தொடங்குகிறது. இதற்காக இந்திய அணியின் வீரர்கள் படிப்படியாக திருவனந்தபுரம் வந்து கொண்டிருக்கின்றனர்.

ரோகித் சர்மா இன்று திருவனந்தபுரம் விமான நிலையம் வந்தடைந்தார். அவரை காண ரசிகர்கள் ஆர்வத்துடன் காத்திருந்தனர். முன்னதாக விராட் கோலியும் திருவனந்தபுரம் வந்தடைந்திருந்தார்.வெஸ்ட் இண்டீஸ் தொடருக்கான இந்திய ஒருநாள் அணிக்கு சுப்மன் கில் கேப்டனாக செயல்படுகிறார். ரோகித் சர்மா மற்றும் விராட் கோலி ஆகிய இரு அனுபவ வீரர்களும் அணியில் இடம்பெற்றுள்ளனர்.

முதல் ஒருநாள் போட்டி செப்டம்பர் 27-ம் தேதி மதியம் 2 மணிக்கு நடைபெறுகிறது. 2-வது போட்டி செப்டம்பர் 30-ம் தேதி கவுகாத்தியிலும், 3-வது போட்டி அக்டோபர் 3-ம் தேதி நியூ சண்டிகரிலும் நடைபெறுகிறது.ரோகித் சர்மா மற்றும் விராட் கோலி மீண்டும் ஒருநாள் அணியில் இணைந்துள்ளதால், திருவனந்தபுரம் போட்டிக்கான ரசிகர்களின் எதிர்பார்ப்பு அதிகரித்துள்ளது. கிரீன்ஃபீல்டு மைதானத்தில் நடைபெறும் முதல் போட்டிக்கான டிக்கெட்டுகள் வேகமாக விற்றுத் தீர்ந்ததாக கேரள கிரிக்கெட் சங்கம் தெரிவித்துள்ளது.