பொங்கல் பரிசாக ரேஷன் அட்டைகளுக்கு ரூ.3,000 - முதல்வர் விஜய் தீவிர ஆலோசனை!
பருவமழை பொய்த்ததால் ஏற்பட்டுள்ள வறட்சிச் சூழலால் பாதிக்கப்பட்டுள்ள பொதுமக்கள் மற்றும் விவசாயிகளுக்குக் கைகொடுக்கும் வகையில், வரும் பொங்கல் பண்டிகைக்கு ரேஷன் அட்டைதாரர்களுக்கு ரொக்கப் பரிசு வழங்கத் தமிழக அரசு திட்டமிட்டுள்ளதாகத் தகவல்கள் வெளியாகியுள்ளன. குடும்ப அட்டைக்கு தலா ரூ.2,000 அல்லது ரூ.3,000 வரை வழங்குவது குறித்து முதலமைச்சர் விஜய் அதிகாரிகளுடன் ஆலோசனை நடத்தி வருவதாகக் கூறப்படுகிறது.
போதிய பருவமழை இல்லாததால் மாநிலத்தின் பல்வேறு பகுதிகளில் வறட்சி மற்றும் வாழ்வாதாரப் பாதிப்புகள் ஏற்பட்டுள்ளன. இந்தச் சூழலில், தமிழர் திருநாளான பொங்கல் பண்டிகையைப் பொதுமக்கள் சிரமமின்றி உற்சாகமாகக் கொண்டாடும் வகையில், ரேஷன் அட்டைதாரர்களுக்கு ரொக்கப் பணம் வழங்க அரசு பரிசீலித்து வருகிறது.
குடும்ப அட்டைதாரர்களுக்குத் தலா ரூ.2,000 அல்லது ரூ.3,000 வரை பொங்கல் பரிசுத் தொகையாக வழங்கலாமா என்பது குறித்து அரசு மட்டத்தில் தீவிரமாக ஆலோசிக்கப்பட்டு வருகிறது. இது தொடர்பான இறுதித் தொகை மற்றும் பயனாளிகள் வரையறை குறித்த ஆலோசனைகள் நடைபெற்று வருகின்றன.
ரேஷன் அட்டைதாரர்களுக்குப் பொங்கல் பரிசுத் தொகை வழங்குவதற்குத் தேவையான நிதி ஒதுக்கீடு மற்றும் மாநில அரசின் நிதி ஆதாரங்களை விரிவாக ஆராயுமாறு நிதித்துறை மற்றும் கூட்டுறவுத்துறை அதிகாரிகளுக்கு முதலமைச்சர் விஜய் அறிவுறுத்தியுள்ளதாகத் தகவல்கள் தெரிவிக்கின்றன.
ரொக்கப் பரிசுடன் பச்சரிசி, சர்க்கரை, முழுக் கரும்பு உள்ளிட்ட பொங்கல் பரிசுத் தொகுப்பு வழங்குவது குறித்தும் அதிகாரிகள் மட்டத்தில் ஆலோசிக்கப்பட்டு வருவதாகக் கூறப்படுகிறது.
தமிழகத்தில் கோடிக்கணக்கான குடும்ப அட்டைதாரர்கள் உள்ள நிலையில், பொங்கல் பரிசாக ரூ.3,000 வரை வழங்கப்படலாம் என்ற தகவல் பொதுமக்கள் மற்றும் நடுத்தரக் குடும்பங்கள் மத்தியில் பெரும் எதிர்பார்ப்பை ஏற்படுத்தியுள்ளது. நிதி நிலைமை குறித்த அறிக்கையை அதிகாரிகள் சமர்ப்பித்த பிறகு, பொங்கல் பரிசுத் தொகை குறித்த அதிகாரபூர்வ அறிவிப்பு வெளியாகும் என எதிர்பார்க்கப்படுகிறது.