'நேரம்' மற்றும் 'பிரேமம்' போன்ற படங்கள் மூலம் பிரபலமான நடிகை அஞ்சு குரியன், தனது விடுமுறை கால அனுபவத்தைப் பகிரப்போய், அது இணையத்தில் மிகப்பெரிய விவாதப் பொருளாகியுள்ளது.

மலையாளத்தில் நிவின் பாலி, நஸ்ரியா ஆகியோருடன் நடித்தவர். தமிழில் 'சென்னை டு சிங்கப்பூர்' படத்தின் மூலம் கதாநாயகியாக அறிமுகமானவர். சமீபத்தில் இந்தோனேசியாவின் பாலி (Bali) தீவுகளுக்குச் சுற்றுலா சென்றிருந்த அஞ்சு குரியன், அங்கிருந்த ஒரு ஸ்பாவில் 'ஜப்பானிய வகை மசாஜ்' செய்துகொண்டுள்ளார்.

View this post on Instagram

A post shared by Anju Kurian (Ju) (@anjutk10)

அந்த மசாஜுக்கான கட்டணமாக 7.25 லட்சம் ஆனதாகத் தனது இன்ஸ்டாகிராம் பக்கத்தில் பில்லைப் பகிர்ந்துள்ளார். இதைப் பார்த்த ரசிகர்கள், "ஒரு மசாஜுக்கு இத்தனை லட்சமா?" என அதிர்ச்சியடைந்தனர். ரசிகர்களின் அதிர்ச்சியைப் பார்த்த அஞ்சு குரியன், சிரித்துக்கொண்டே அந்த பில்லின் பின்னணியில் உள்ள உண்மையை விளக்கினார்:

அஞ்சு குரியன் குறிப்பிட்ட 7.25 லட்சம் என்பது இந்திய ரூபாய் அல்ல; அது இந்தோனேசிய நாட்டின் பணமான 'ரூபியா' (Indonesian Rupiah).  இந்திய ரூபாய் மதிப்பில் கணக்கிட்டால், 7.25 லட்சம் இந்தோனேசிய ரூபியா என்பது வெறும் ₹3,700 முதல் ₹4,000 மட்டுமே.

வெளிநாடுகளுக்குச் செல்லும்போது அந்த ஊர் பண மதிப்பில் எண்கள் பெரியதாகத் தெரிவதை வைத்து ரசிகர்களுடன் விளையாட்டாக இந்தப் பதிவைப் பகிர்ந்துள்ளார்.

பாலி போன்ற இடங்களுக்குச் சுற்றுலா செல்லும் இந்தியர்கள், அங்குள்ள பண மதிப்பின் காரணமாகத் தங்களை 'லட்சாதிபதி'யாக உணர்வது வழக்கமான ஒன்றுதான். இந்திய ரூபாய் 1 ≈ 190 முதல் 195 இந்தோனேசிய ரூபியா.