கடந்த சில நாட்களாகத் தொடர் சரிவைச் சந்தித்து வந்த தங்கம் விலை, வாரத்தின் இறுதி நாளான இன்று சற்றே உயர்ந்து நகைப் பிரியர்களுக்குச் சிறு அதிர்ச்சியை அளித்துள்ளது. சர்வதேசச் சந்தை நிலவரங்களுக்கு மத்தியில், தமிழ்நாட்டில் 22 கேரட் ஆபரணத் தங்கத்தின் விலை இன்று சவரனுக்கு 240 ரூபாய் உயர்வைக் கண்டுள்ளது.

அமெரிக்கா - ஈரான் போர் நிறுத்த அமைதி ஒப்பந்தம் ஜூன் 18-ல் கையெழுத்தானதைத் தொடர்ந்து நேற்று தங்கம் விலை சவரனுக்கு 3,040 ரூபாய் வரை குறைந்திருந்த நிலையில், இன்று மீண்டும் விலை ஏறுமுகத்தைக் காட்டியுள்ளது.

சென்னையிலும் தமிழகத்தின் பிற முக்கிய நகரங்களிலும் ஆபரணத் தங்கத்தின் விலை இன்று கிராமுக்கு 30 ரூபாயும், சவரனுக்கு 240 ரூபாயும் அதிகரித்துள்ளது. நேற்று ஒரு கிராம் ஆபரணத் தங்கம் 13,570 ரூபாய்க்கு விற்கப்பட்ட நிலையில், இன்று 30 ரூபாய் உயர்ந்து 13,600 ரூபாய்க்கு விற்பனை செய்யப்படுகிறது.

நேற்று ஒரு சவரன் தங்கம் 1,08,560 ரூபாய்க்கு விற்பனையான நிலையில், இன்று 240 ரூபாய் அதிகரித்து 1,08,800 ரூபாய்க்கு விற்பனையாகிறது. அதேவேளையில், தூய தங்கம் எனப்படும் 24 கேரட் தங்கம் ஒரு கிராம் 14,763 ரூபாய்க்கும், 10 கிராம் 1,47,630 ரூபாய்க்கும் வர்த்தகமாகி வருகிறது.

தங்கத்தின் விலை உயர்ந்துள்ள போதிலும், வெள்ளியின் விலையில் இன்று எவ்வித மாற்றமுமின்றி நேற்றைய விலையிலேயே நீடிக்கிறது. ஒரு கிராம் வெள்ளி மாற்றமின்றி 255 ரூபாய்க்கு விற்பனை செய்யப்படுகிறது. ஒரு கிலோ வெள்ளி நேற்றைய நிலவரப்படியே ஒரு கிலோ வெள்ளி 2,55,000 ரூபாய்க்கு விற்பனையாகிறது.

கடந்த 2025-ஆம் ஆண்டு இதே ஜூன் 20 அன்று ஒரு சவரன் தங்கம் 73,680 ரூபாய்க்கு விற்பனையானதுடன் ஒப்பிடுகையில், ஓராண்டு காலத்தில் தங்கம் விலை கிட்டத்தட்ட 50 சதவீதம் வரை உயர்ந்து வரலாற்று உச்சங்களை நோக்கி நகர்ந்து கொண்டிருப்பது குறிப்பிடத்தக்கது. இனி வரும் நாட்களில் சர்வதேசச் சூழலைப் பொறுத்தே விலை மாற்றங்கள் அமையும் எனப் பொருளாதார வல்லுநர்கள் கணித்துள்ளனர்.