சென்னை திருவல்லிக்கேணி பகுதியில் தாயின் கண்முன்னே அஜித் (28) என்பவர் கொலை செய்யப்பட்ட வழக்கில் தொடர்புடைய நான்கு பேரை காவல்துறையினர் கைது செய்துள்ளனர்.

இக்கொலைச் சம்பவத்தில் தொடர்புடைய சின்ன ஹரிஷ், பெரிய ஹரிஷ், போண்டா ராஜேஷ் மற்றும் சஞ்சய் ஆகிய 4 பேரைக் காவல்துறையினர் கைது செய்துள்ளனர். கைது செய்யப்பட்ட நான்கு பேரையும் எழும்பூர் நீதிமன்றத்தில் ஆஜர்படுத்திய காவல்துறையினர், நீதிபதி உத்தரவின்படி அவர்களைச் சிறையில் அடைத்தனர். இச்சம்பவம் குறித்துத் தொடர்ந்து விசாரணை நடைபெற்று வருகிறது.