மனைவியுடன் வளர்றதை விரும்பல... நட்சத்திர ஓட்டலில் 2 குழந்தைகளை கொலை செய்து தந்தை தற்கொலை முயற்சி!
கர்நாடக மாநிலம் பெங்களூருவில் உள்ள ஒரு நட்சத்திர ஓட்டலில் எஸ்.ஜி. இம்ரான் என்பவர் தனது இரண்டு குழந்தைகளுடன் அறை எடுத்துத் தங்கியிருந்தார். முந்தைய நாள் அறைக்குச் சென்ற அவர்கள் நீண்ட நேரம் வெளியே வரவில்லை என்பதால் பணியாளர்கள் சென்று கதவைத் தட்டினர். ஆனால் நீண்ட நேரமாகியும் எந்தவிதமான பதிலும் வராததால் அவர்கள் உள்ளே சென்று பார்த்து கடும் அதிர்ச்சியடைந்தனர். அங்குள்ள கட்டிலில் இரண்டு பெண் குழந்தைகளும் சடலமாகக் கிடந்ததைக் கண்டு அங்கிருந்தவர்கள் பதறிப்போய் அலறினர்.
இதனைத் தொடர்ந்து கழிவறையைப் பரிசோதித்த போது எஸ்.ஜி. இம்ரான் கழுத்து அறுபட்ட நிலையில் ரத்த வெள்ளத்தில் கிடப்பது கண்டுபிடிக்கப்பட்டது. உடனடியாக ஓட்டல் பணியாளர்கள் அவரை மீட்டு மணிபால் மருத்துவமனைக்குச் சிகிச்சைக்காகத் தீவிரமாக அழைத்துச் சென்றனர். அங்கு அவருக்குத் தொடர்ந்து தீவிரச் சிகிச்சை அளிக்கப்பட்டு வருவதாகக் காவல்துறையினர் அதிகாரப்பூர்வமாகத் தெரிவித்துள்ளனர்.
விசாரணையின் போது மனைவியின் நடத்தையில் ஏற்பட்ட சந்தேகத்தின் காரணமாகவே அவர் இந்த விபரீத முடிவை எடுத்தது தெரியவந்தது. எனது குழந்தைகள் அப்படிப்பட்ட தாயுடன் வளர விரும்பவில்லை என்பதால் அவர்களைக் கொன்றுவிட்டதாக அவர் வாக்குமூலம் அளித்துள்ளார். தந்தை ஒருவர் தனது சொந்தக் குழந்தைகளைக் கொன்ற இந்தச் சோகச் சம்பவம் பெங்களூரு பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.