ஞாயிற்றுக்கிழமையின் மகத்துவம்: சூரிய பகவானை வழிபடுவதால் கிடைக்கும் அருளும் பலன்களும்! 

நவகிரகங்களில் தலைமை கிரகமாக போற்றப்படும் சூரியன் பகவான் அருளுக்குரிய நாளாக ஞாயிற்றுக்கிழமை கருதப்படுகிறது. மனிதனின் வாழ்க்கையில் பணம், பதவி, புகழ், அதிகாரம், அரச அந்தஸ்து போன்ற யோகங்கள் உருவாக வேண்டும் என்றால், அவரது ஜாதகத்தில் சூரியன் வலிமையாக இருக்க வேண்டும் என்பதே நம்பிக்கை.

ஞாயிற்றுக்கிழமையில் விரதமிருந்து சூரிய பகவானை வழிபட்டால், சூரியனின் அருளும், எதிரிகளை வெல்லும் சக்தியும் கிடைக்கும் என்று கூறப்படுகிறது.

  சூரிய விரதம் மேற்கொள்ளும் முறை

அதிகாலை எழுதல்: சூரிய உதயத்துக்கு முன்பே எழுந்து, பிரம்ம முகூர்த்தத்தில் நீராட வேண்டும்.

பூஜைத் தயாரிப்பு: பூஜை செய்யும் இடத்தை சுத்தமாக செய்து, அரிசி, குங்குமம், சிவப்பு மலர்கள் மற்றும் ஒரு பழம் ஆகியவற்றை அர்ச்சனைத் தட்டில் வைக்க வேண்டும்.

சூரியனை நோக்கி வழிபாடு: விளக்கை ஏற்றி, சூரியன் உதிக்கும் திசை நோக்கி வைத்து, ஒரு சொம்பில் தண்ணீர் எடுத்து சூரிய பகவானை நோக்கி மந்திர ஜபம் செய்து வழிபட வேண்டும். பின்னர் அந்தத் தண்ணீரை அர்ச்சனைத் தட்டின் மீது தீர்த்தம் போல தெளிக்க வேண்டும்.

உணவு முறைகள்:

பூஜை முடிந்ததும் சிறிதளவு இனிப்பு (மிகவும் வெல்லம் சேர்த்த இனிப்பு) உண்ணலாம்.

அதன் பிறகு மாலை வரை தண்ணீர், பால் தவிர எதையும் சாப்பிடக் கூடாது.

மாலை சூரிய அஸ்தமனத்துக்கு முன் உணவு உண்ண வேண்டும்.

அதற்குப் பிறகும் சாப்பிட முடியாவிட்டால், அடுத்த நாள் சூரிய உதயத்துக்குப் பிறகு தான் உணவு எடுத்துக் கொள்ள வேண்டும்.

 சூரிய வழிபாட்டின் பலன்கள்

உடல் ஆரோக்கியம் மேம்படும், ஆயுள் நீடிக்கும்.

தீநோய்கள் மற்றும் துஷ்ட சக்திகள் அண்டாது.

முகத்தில் ஒளி, வசீகரம் அதிகரிக்கும்.

சமூகத்தில் மதிப்பு, மரியாதை உயரும்.

பொருளாதார நிலை உயர்ச்சி பெறும்.

செய்வினை, மாந்திரீகம் போன்ற தீய சக்திகள் தாக்காது.

சூரியன் அருளால் எதிரிகள் வீழ்வார்கள்.

ஞாயிற்றுக்கிழமைகளில் சூரிய விரதம் மேற்கொண்டு வழிபடும் நபர்கள், வாழ்க்கையில் அதிர்ஷ்டமும் முன்னேற்றமும் பெறுவார்கள் என்று பண்டைய சாஸ்திரங்கள் கூறுகின்றன. இது சூரியனின் அருள் பெற்று, வெற்றிகரமான வாழ்க்கையை வாழும் வழி எனப் போற்றப்படுகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!