டெல்லியில் வரும் செப்டம்பர் 5-ஆம் தேதி கரப்பான் பூச்சி ஜனதா கட்சி சார்பில் நடைபெறவுள்ள பேரணிக்குத் தடை விதிக்கக் கோரிய மனுவை உச்ச நீதிமன்றம் தள்ளுபடி செய்துள்ளது.

போராட்டக்காரர்கள் மீதான வழக்குகளைத் திரும்பப் பெறுவதாக மத்திய அரசு அளித்த வாக்குறுதி இதுவரை நிறைவேற்றப்படாததைக் கண்டித்து, சிஜேபி அமைப்பு இந்தப் பேரணிக்கு அழைப்பு விடுத்துள்ளது.

இந்த பேரணியால் டெல்லியில் சட்டம்-ஒழுங்குப் பிரச்சனை ஏற்பட வாய்ப்புள்ளதாகக் கூறி, ஓய்வுபெற்ற காவல் அதிகாரி ஒருவர் உச்ச நீதிமன்றத்தில் தடை கோரி மனு தாக்கல் செய்திருந்தார்.

வழக்கை விசாரித்த நீதிபதிகள், பேரணியில் பங்கேற்பவர்களும் அமைப்பினரும் அனைவரும் பொறுப்புடனும் அமைதியாகவும் செயல்படுவார்கள் என்று நம்புவதாகக் குறிப்பிட்டு, பேரணிக்குத் தடை விதிக்க மறுத்து மனுவைத் தள்ளுபடி செய்தனர்.