திருச்சி மாவட்டம் சமயபுரம் அருகே பயிர்க்கடன்களை முழுமையாகத் தள்ளுபடி செய்யக் கோரி விவசாயிகள் நடத்தி வரும் காத்திருப்புப் போராட்டத்தின் போது, அமைச்சர்களுடன் நடைபெற்ற பேச்சுவார்த்தை திடீரென உடன்படிக்கையின்றிப் பாதியிலேயே கைவிடப்பட்டுள்ளது.

திருச்சி மாவட்டம் சமயபுரம் அருகே பயிர்க்கடன்களை முழுமையாகத் தள்ளுபடி செய்யக் கோரி ஐந்தாவது நாளாக ஐநூறுக்கும் மேற்பட்ட விவசாயிகள் தொடர் காத்திருப்புப் போராட்டத்தில் ஈடுபட்டு வருகின்றனர்.

<a style="border: 0px; overflow: hidden" href=https://youtube.com/embed/IEHviYZVYYI?autoplay=1&mute=1><img src=https://img.youtube.com/vi/IEHviYZVYYI/hqdefault.jpg alt=""><span><div class="youtube_play"></div></span></a>" title="YouTube video player" width="560">

போராட்டக் களத்திற்கு நேரடியாகச் சென்ற அமைச்சர்கள் வினோத், ரமேஷ் மற்றும் காந்தி ராஜ் ஆகியோர் போராட்டத்தில் ஈடுபட்ட விவசாயிகளுடன் பேச்சுவார்த்தையில் ஈடுபட்டனர். அப்போது பேசிய அமைச்சர் ரமேஷ், பயிர்க்கடன்களைத் தள்ளுபடி செய்வதற்குச் சுமார் 3 ஆயிரம் கோடி ரூபாய் நிதி தேவைப்படுவதாகவும், தற்போது இடைத்தேர்தல் நடைபெற்று வருவதால் புதிய அறிவிப்புகளை உடனடியாக வெளியிட முடியாது என்றும் விளக்கமளித்தார். மேலும், இது தொடர்பாக உரிய நடவடிக்கை எடுக்கத் தனக்கு 20 நாட்கள் கால அவகாசம் வழங்குமாறு அவர் விவசாயிகளிடம் கேட்டுக் கொண்டார்.

அமைச்சரின் இந்த அறிவிப்புக்கு விவசாயிகள் மத்தியில் கடும் எதிர்ப்பு எழுந்தது. உடனே தங்களது கோரிக்கைகளை வலியுறுத்தி விவசாயிகள் தொடர் கோஷங்களை எழுப்பியதால் அங்குப் பெரும் பரபரப்பு ஏற்பட்டது. தொடர்ந்து பேச்சுவார்த்தையை நடத்த முடியாத சூழல் உருவானதைத் தொடர்ந்து, அமைச்சர்கள் பாதியிலேயே பேச்சுவார்த்தையை முடித்துக் கொண்டு அங்கிருந்து புறப்பட்டுச் சென்றனர்.