தமிழகத்தில் அரசு மற்றும் அரசு உதவி பெறும் பள்ளிகளில் படிக்கும் மாற்றுத்திறனாளி மாணவர்களுக்கு நிறுவனங்களின் சமூகப் பொறுப்புணர்வு (CSR) திட்டத்தின் கீழ் கல்வி உதவித்தொகை வழங்கப்பட உள்ளதாகத் தகவல் வெளியாகியுள்ளது.

இதன்படி, தகுதியுள்ள மாணவர்களுக்கு ரூ.4,500 முதல் ரூ.10,000 வரை உதவித்தொகை கிடைக்கலாம் எனக் கூறப்படுகிறது. இதற்காக மாணவர்களுக்கு குறைந்தபட்சம் 40 சதவீத உடல் இயலாமை இருக்க வேண்டும் என்றும், குடும்பத்தின் ஆண்டு வருமானம் ரூ.2.50 லட்சத்திற்குள் இருக்க வேண்டும் என்றும் தெரிவிக்கப்பட்டுள்ளது.

இந்த உதவித்தொகைக்கு விண்ணப்பிக்க மதிப்பெண் அடிப்படையில் எந்தத் தடையும் இல்லை என்றும், மாற்றுத்திறனாளிகளுக்கான தனித்துவ அடையாள அட்டையான UDID அட்டை கட்டாயம் என்றும் கூறப்படுகிறது.

தலைமையாசிரியர்களுக்கு அறிவுறுத்தல்

தகுதியுள்ள மாணவர்களைக் கண்டறிந்து, அவர்களது விண்ணப்பங்கள் மற்றும் ஆவணங்களைச் சரிபார்த்து அனுப்புமாறு பள்ளித் தலைமையாசிரியர்களுக்கு அறிவுறுத்தப்பட்டுள்ளதாகத் தகவல் தெரிவிக்கிறது. தகுதியுள்ள மாணவர்கள் இந்த வாய்ப்பைத் தவறவிடாமல் பயன்பெற வேண்டும் என்பதே இதன் நோக்கமாகும்.