தமிழகத்தின் முதல்வர்கள்: 1952 முதல் 2026 வரை ஒரு வரலாற்றுப் பார்வை!

தமிழக சட்டமன்றத் தேர்தல் வரலாற்றில் 1952 ஆம் ஆண்டு முதல் தற்போது வரை பல்வேறு ஆளுமைகள் முதலமைச்சர் அரியணையில் அமர்ந்துள்ளனர். 59 ஆண்டுகால திராவிடக் கட்சிகளின் ஆதிக்கத்திற்குப் பிறகு, தற்போது தமிழக வெற்றிக் கழகத் தலைவர் விஜய் புதிய முதலமைச்சராகப் பதவியேற்க உள்ள நிலையில், இதுவரை தமிழகத்தை ஆண்ட முதலமைச்சர்கள் மற்றும் அவர்களின் பதவிக்காலம் குறித்த முழு விவரங்கள்  

தமிழகத்தின் தொடக்ககால அரசியலில் ராஜாஜி (1952-1954), கர்மவீரர் காமராஜர் (1954-1963) மற்றும் பக்தவச்சலம் (1963-1967) ஆகியோர் காங்கிரஸ் ஆட்சிக் காலத்தில் முதலமைச்சர்களாகப் பணியாற்றினர். 1967 இல் நிகழ்ந்த வரலாற்றுச் சிறப்புமிக்க ஆட்சி மாற்றத்திற்குப் பிறகு பேரறிஞர் அண்ணா (1967-1969) முதலமைச்சரானார். அவரைத் தொடர்ந்து கலைஞர் கருணாநிதி மற்றும் புரட்சித் தலைவர் எம்.ஜி.ஆர் ஆகியோர் பலமுறை முதலமைச்சர் பதவியை வகித்துத் தமிழக அரசியலில் பெரும் தாக்கத்தை ஏற்படுத்தினர்.

தொடர்ந்து வந்த காலங்களில் செல்வி ஜெயலலிதா மற்றும் ஓ.பன்னீர்செல்வம் ஆகியோர் அதிமுக சார்பிலும், எடப்பாடி பழனிசாமி (2017-2021) அதிமுக சார்பிலும் ஆட்சி நடத்தினர். கடந்த 2021 ஆம் ஆண்டு முதல் முதலமைச்சராகப் பொறுப்பு வகித்த மு.க.ஸ்டாலின் (2021-2026) சமீபத்தில் தனது பதவியை ராஜினாமா செய்துள்ளார். இந்த நீண்ட அரசியல் பயணத்தில், 2026 மே 7 ஆம் தேதி தமிழகத்தின் புதிய முதலமைச்சராகத் தமிழக வெற்றிக் கழகத்தின் தலைவர் விஜய் அரியணை ஏறுகிறார். இது தமிழக அரசியல் வரலாற்றில் ஒரு புதிய அத்தியாயமாகப் பார்க்கப்படுகிறது.