சுதந்திர தின ஸ்பெஷல்...  15 போலீஸ் அதிகாரிகளுக்கு முதலமைச்சர் காவல் பதக்கங்கள்!  

சுதந்திர தினத்தை முன்னிட்டு தமிழகத்தில் உள்ள 15  காவல் அதிகாரிகளுக்குச் சிறப்புப் பதக்கங்கள் வழங்கப்படும் எனத் தமிழக அரசு முறைப்படி அறிவிப்பு வெளியிட்டுள்ளது. காவல்துறையில் சிறப்பாகப் பணியாற்றும் அதிகாரிகளின் திறமையை அங்கீகரிக்கும் வகையில் இந்த உயரிய விருதுகள் அறிவிக்கப்பட்டுள்ளன. இந்தச் சிறப்பான அறிவிப்பு காவல் துறை வட்டாரத்திலும் பொதுமக்கள் மத்தியிலும் பெரும் வரவேற்பைப் பெற்றுள்ளது.

புலன் விசாரணைப் பணியில் மிகச் சிறப்பாகப் பணியாற்றியதை அங்கீகரிக்கும் வகையிலும், பணியில் அதிக அர்ப்பணிப்புடன் செயல்பட்டதை பாராட்டும் வகையிலும் இந்த அதிகாரிகள் தேர்ந்தெடுக்கப்பட்டுள்ளனர். விருதுகள் பெறும் ஒவ்வொருவருக்கும் தலா எட்டு கிராம் எடையுடன் கூடிய தங்கப் பதக்கம் மற்றும் இருபcய்த்தைந்தாயிரம் ரூபாய் ரொக்கப் பரிசு வழங்கப்பட உள்ளது. காவல் துறையினரின் தொடர் சேவைகளைப் பாராட்டும் விதமாக அரசு சார்பில் இந்த ஊக்குவிப்பு நடவடிக்கைகள் மேற்கொள்ளப்பட்டு வருகின்றன.

பதக்கங்கள் வென்றுள்ள காவல் அதிகாரிகளுக்குத் பல்வேறு தரப்பிலிருந்தும் வாழ்த்துகள் குவிந்து வருகின்றன. தேசப் பாதுகாப்பு மற்றும் சட்டம் ஒழுங்கைப் பராமரிப்பதில் காவல்துறையினர் ஆற்றிவரும் தொண்டு போற்றுதலுக்குரியது எனப் பலரும் பாராட்டு தெரிவித்துள்ளனர். இந்த விருதுகள் மூலம் மற்ற காவலர்களும் மேலும் உற்சாகத்துடன் தங்களது பணிகளைச் செய்வார்கள் என எதிர்பார்க்கப்படுகிறது.

போலீஸ் அதிகாரிகள் பட்டியல் :

1. சி.ஜெயஸ்ரீ, காவல் துணை கண்காணிப்பாளர், கும்மிடிபூண்டி உட்கோட்டம், திருவள்ளுர் மாவட்டம். 2. நா.தமிழரசி, காவல் துணை கண்காணிப்பாளர், திருவள்ளுர் உட்கோட்டம், திருவள்ளுர் மாவட்டம். 3. கொ.அழகுராஜ், காவல் ஆய்வாளர், சைபர் கிரைம் காவல் நிலையம், கோவை மாநகரம். 4. ந.தனுசியா, காவல் துணை கண்காணிப்பாளர், ஒருங்கிணைந்த குற்றப்பிரிவு, குற்றப்பிரிவு குற்றப்புலனாய்வு துறை, திருச்சி மாநகரம். 5. சே.லதா, காவல் ஆய்வாளர், தனி சிறுவர் காவல் உதவி பிரிவு, கோவை மாநகரம். 6. வி.கோமதி காவல்துறை உதவி தலைவர், நிர்வாகம், காவல்துறை தலைமை இயக்குநர் அலுவலகம், சென்னை. 7. மா.சித்ரா, காவல் ஆய்வாளர், கைகளத்தூர் காவல் நிலையம், பெரம்பலூர் மாவட்டம். 8. ரா.வினதா, காவல் ஆய்வாளர், மேல்மலையனூர் காவல் நிலையம், விழுப்புரம் மாவட்டம். 9. கோ.மகாலெட்சுமி, காவல் ஆய்வாளர், மாவட்ட குற்ற பதிவேட்டு கூடம், சிவகங்கை மாவட்டம். 10. ச.விஜயகுமார், காவல் துணை ஆணையர், மேற்கு, திருநெல்வேலி மாநகரம்.

இதே போல்  தன்னலம் கருதாமல் சிறப்பாக செயல்பட்டு சீரிய பணியாற்றிய 5 காவல் அதிகாரிகள்/சார்நிலை அலுவலர்களுக்கு   அவர்களது பணியைப் பாராட்டி சிறந்த பொதுச் சேவைக்கான முதல்-அமைச்சரின் காவல் பதக்கங்கள் வழங்கப்படுகின்றன 

பதக்கங்கள் பெறுவோர் பட்டியல் வெளியீடு:

 1. டாக்டர் வி.சசி மோகன், இ.கா.ப, காவல்துறை துணைத்தலைவர், திண்டுக்கல் சரகம். 2. தெ.சண்முக பிரியா, இ.கா.ப, காவல் கண்காணிப்பாளர், ஊழல் தடுப்பு மற்றும் கண்காணிப்பு இயக்ககம், மேற்கு சரகம், சென்னை. 3. சி.எம்.ஆர்.மணிமொழியன், துணை காவல் கண்காணிப்பாளர், தனிப்பிரிவு குற்றப்புலனாய்வுத்துறை, சென்னை. 4. க.மதன் மோகன், காவல் ஆய்வாளர் (தொழில்நுட்பம்), மாநில காவல் தலைமை கட்டுப்பாட்டு அறை, சென்னை. 5. மு.ரவிக்குமார், தலைமை காவலர்-1618, கரூர் நகர காவல் நிலையம், கரூர் மாவட்டம். விருதுகள் பெறுவோர் ஒவ்வொருவருக்கும் தலா எட்டு கிராம் எடையுடன் கூடிய தங்கப் பதக்கமும், 25 ஆயிரம் ரூபாய் ரொக்கப் வெகுமதியும் வழங்கப்படும்.