தமிழகம் முழுவதும் பள்ளி, கல்லூரி,  கோவில்கள்களுக்கு அருகே உள்ள 500 டாஸ்மாக் கடைகள் மூடல்? முதல்வர் விஜய் அதிரடி உத்தரவு!

தமிழக முதலமைச்சர் ஜோசப் விஜய், பொதுமக்கள் மற்றும் மாணவர்களின் நலனைக் கருத்தில் கொண்டு மிக முக்கியமான அரசாணை ஒன்றைப் பிறப்பித்துள்ளார். இதன்படி, தமிழகம் முழுவதும் உள்ள பள்ளிகள், கல்லூரிகள் மற்றும் வழிபாட்டுத் தலங்களுக்கு மிக அருகாமையில் இயங்கி வரும் டாஸ்மாக் மதுக்கடைகளை உடனடியாக மூட அவர் உத்தரவிட்டுள்ளார். இந்த உத்தரவு முதற்கட்டமாக மக்கள் நடமாட்டம் அதிகம் உள்ள பகுதிகளிலும், கல்வி நிலையங்கள் அமைந்துள்ள பகுதிகளிலும் இன்று முதல் அமலுக்கு வருகிறது.

நீண்ட காலமாகவே கல்வி நிலையங்கள் மற்றும் கோவில்களுக்கு அருகில் மதுக்கடைகள் இருப்பதால் பொதுமக்கள் மற்றும் பெண்கள் கடும் சிரமத்திற்கு உள்ளாகி வந்தனர். இது குறித்துப் பல்வேறு சமூக அமைப்புகள் விடுத்த கோரிக்கைகளை ஏற்று, முதலமைச்சர் இந்த நடவடிக்கையை எடுத்துள்ளார். முதற்கட்ட ஆய்வின்படி, விதிமுறைகளை மீறிச் செயல்படும் சுமார் 500-க்கும் மேற்பட்ட கடைகள் கண்டறியப்பட்டு, அவற்றைப் படிப்படியாக அப்புறப்படுத்த அல்லது வேறு இடத்திற்கு மாற்றத் துறை சார்ந்த அதிகாரிகளுக்கு அறிவுறுத்தப்பட்டுள்ளது.

முதலமைச்சர் விஜய்யின் இந்த அறிவிப்பு தமிழகம் முழுவதும் உள்ள இல்லத்தரசிகள் மற்றும் மாணவர்களிடையே பெரும் வரவேற்பைப் பெற்றுள்ளது. மது அரக்கனால் சீரழியும் இளைய தலைமுறையைக் காக்க இத்தகைய நடவடிக்கைகள் அவசியம் எனச் சமூக ஆர்வலர்கள் பாராட்டு தெரிவித்துள்ளனர். அரசின் இந்த முடிவைத் தொடர்ந்து, வரும் காலங்களில் மது விலக்கை நோக்கிய அடுத்தடுத்த கட்ட நகர்வுகள் இருக்கும் என அரசியல் வட்டாரங்கள் உன்னிப்பாகக் கவனித்து வருகின்றன.