ஜோதிட சாஸ்திர ஆராய்ச்சிகளின்படி, மனிதர்களின் வாழ்வில் நடைபெறும் மிக முக்கியமான திருப்புமுனைகளுக்குக் குரு, சனி மற்றும் ராகு-கேது ஆகிய கோள்களின் இடப்பெயர்ச்சிகளே முதன்மைக் காரணமாக அமைகின்றன. சனி பகவான் 30 ஆண்டுகளுக்கு ஒருமுறையும், ராகு-கேதுக்கள் 18 ஆண்டுகளுக்கு ஒருமுறையும் பெயர்ச்சி ஆகும் நிலையில், குரு பகவான் 12 ஆண்டுகளுக்கு ஒருமுறை தனது ராசி மண்டலப் பயணத்தை நிறைவு செய்கிறார்.

அந்த வகையில், திருக்கணித மற்றும் வாக்கிய பஞ்சாங்கங்களின் அடிப்படையில், இன்று  காலை 11 மணிக்கு குரு பகவான் மிதுன ராசியில் இருந்து கடக ராசிக்கு இடம்பெயர்ந்து உச்சம் பெறுகிறார். "குரு பார்க்கக் கோடி நன்மை" என்ற பழமொழிக்கு ஏற்ப, இந்த உச்சப் பெயர்ச்சியால் 12 ராசிகளும் பெறப்போகும் பலன்களை சுருக்கமாக பார்க்கலாம். 

மேஷம்: நீண்ட நாட்களாக மன உளைச்சலைக் கொடுத்து வந்த கடன் தொல்லைகள் முழுமையாக நிவர்த்தியாகும். தொழில் மற்றும் வியாபாரத்தில் நல்ல முன்னேற்றம் உண்டாகும். ஆரோக்கியத்தில் கூடுதல் கவனம் செலுத்துவது நல்லது.

ரிஷபம்: புதிய வீடு, மனை, பூமி அல்லது வாகனங்கள் வாங்குவதற்கான யோகம் கைகூடி வரும். குடும்பத்தில் நீண்ட நாட்களாக இருந்து வந்த கருத்து வேறுபாடுகள் மறையத் தொடங்கும்.

மிதுனம்: உங்களது பொருளாதார நிலையில் சாதகமான பணவரவு திருப்தி தரும். குடும்பத்தை விட்டுப் பிரிந்திருந்த உறவினர்கள் மீண்டும் வந்து சேருவார்கள். உத்தியோகத்தில் உயர் பதவிகள் கிடைக்க வாய்ப்புகள் உண்டு.

கடகம்: உங்கள் ராசியில் உச்சம் பெறும் குரு பகவானால் 'ஹம்ச ராஜயோகம்' உண்டாகிறது. நீங்கள் தொட்ட காரியங்கள் அனைத்தும் தடையின்றி வெற்றியாகும், வாழ்க்கையில் சிறப்பான முன்னேற்றம் ஏற்படும்.

சிம்மம்: கடந்த காலங்களில் நீங்கள் அனுபவித்து வந்த சிரமங்களும் தடைகளும் குறையும். செய்து வரும் சுய தொழிலில் நல்ல மேன்மையும், நினைத்த காரியங்களில் சாதகமான முடிவுகளும் உண்டாகும்.

கன்னி: மந்த கதியில் இருந்து வந்த பொருளாதாரப் பின்னடைவுகள் சீராகி, பணப்புழக்கம் மேன்மையடையும். குடும்பத்துடன் ஆன்மிகப் பயணங்கள் மற்றும் புண்ணிய ஸ்தலங்களுக்குச் செல்ல வாய்ப்புகள் அமையும்.

துலாம்: திடீர் மறைமுகப் பணவரவு ஏற்படுவதற்கான சாத்தியக்கூறுகள் அதிகம் உள்ளன. குடும்பத்தில் தடைபட்ட சுபகாரியங்கள் தடையின்றி நடக்கும். பிரிந்த தம்பதிகள் அல்லது உறவுகள் மீண்டும் ஒன்று சேர்வார்கள்.

விருச்சிகம்: நீண்ட நாட்களாகத் தடைபட்டு முடங்கிக் கிடந்த காரியங்கள் சாதகமாக நிறைவேறும். நீண்ட நாள் எதிர்பார்ப்பாக இருந்த பூர்வீகச் சொத்துக்கள் முறைப்படி கைக்கு வந்து சேரும்.

தனுசு: எதிர்பாராத வழிகளில் தனவரவு மற்றும் நிதி உதவி கிடைக்க வாய்ப்புகள் உண்டு. நீண்ட நாட்களாகப் பாதிப்பை ஏற்படுத்தி வந்த உடல் ஆரோக்கியம்  படிப்படியாக மேம்படும்.

மகரம்: நீங்கள் செய்து வரும் கூட்டுத் தொழிலில் கூட்டாளிகளால் நல்ல லாபமும் ஆதாயமும் உண்டாகும். தொழில் நிமித்தமாக மேற்கொள்ளும் வெளியூர்ப் பயணங்கள் சாதகமான பலன்களைத் தரும்.

கும்ம்பம்: தேவையற்ற அலைச்சல்கள் மற்றும் காரிய தாமதங்கள் வந்து போகலாம் என்பதால் பேச்சில் நிதானம் தேவை. ஆரோக்கியத்தில் கவனம் செலுத்துவதுடன், அம்மன் வழிபாடு செய்வது மிகுந்த மேன்மையைத் தரும்.

மீனம்: பூர்வ புண்ணிய ஸ்தானத்தில் குரு பகவான் அமர்வதால், உங்களது புத்தி கூர்மையும் அறிவுத்திறனும் மேம்படும். குடும்பத்தில் நீண்ட நாட்களாக நிலவி வந்த குழப்பங்கள் மற்றும் மனவருத்தங்கள் முழுமையாக நீங்கும்.