உதிரி பாகங்களின் விலை ஏற்றம் மற்றும் விநியோகச் சங்கிலியில் ஏற்பட்டுள்ள தடைகள் காரணமாக, முன்னணி நிறுவனங்கள் தங்களது மின்சாதனப் பொருட்களின் விலையை உயர்த்தப் போவதாக அறிவித்துள்ளன.

ஹைசென்ஸ் நிறுவனத்தின் சிஇஓ பங்கஜ் ராணா இது குறித்து கூறுகையில், மின்சாதனப் பொருட்கள் தயாரிப்பிற்குத் தேவையான கச்சாப் பொருட்கள் மற்றும் உதிரி பாகங்களின் இறக்குமதி செலவு அதிகரித்துள்ளது. சர்வதேச அளவில் நிலவும் போக்குவரத்து நெரிசல் மற்றும் விநியோகத் தடைகளால் சரக்குக் கட்டணங்கள் உயர்ந்துள்ளன.

தற்போது கோடைக்காலம் தொடங்கிவிட்டதால் ஏசி மற்றும் குளிர்சாதனப் பெட்டிகளுக்கான தேவை அதிகரித்துள்ளதும் ஒரு மறைமுகக் காரணமாகப் பார்க்கப்படுகிறது.

முக்கியமாக ஏசி, வாஷிங் மெஷின் (Washing Machine) மற்றும் தொலைக்காட்சி (TV) பெட்டிகளின் விலை உயரவுள்ளது.

இந்த விலை உயர்வு வரும் ஏப்ரல் 1, 2026 முதல் அமலுக்கு வரவுள்ளது. எனவே, கோடைகாலத் தேவைக்காக ஏசி அல்லது பிற பொருட்களை வாங்க நினைப்பவர்கள், மார்ச் 31-ஆம் தேதிக்குள் வாங்குவதன் மூலம் பழைய விலையிலேயே பொருட்களைப் பெற முடியும். பல சில்லறை விற்பனையாளர்கள் மார்ச் இறுதி வரை சிறப்புத் தள்ளுபடிகளை வழங்கி வருவதும் குறிப்பிடத்தக்கது.