மத்திய ஆப்பிரிக்க நாடான காங்கோவில் கோரத் தாண்டவம் ஆடிவரும் எபோலா வைரஸ் தொற்றால் பாதிக்கப்பட்டவர்களின் எண்ணிக்கை 7 ஆயிரத்தைக் கடந்துள்ளதுடன், உயிரிழப்புகளும் தொடர்ந்து அதிகரித்து வருவது உலக நாடுகளிடையே பெரும் கவலையை ஏற்படுத்தியுள்ளது.

உலகில் உள்ள மிகக்கொடிய வைரஸ் நோய்களில் ஒன்றான எபோலா, காங்கோவில் மிக வேகமாகப் பரவி வருகிறது. இதன் காரணமாக இந்நாட்டில் எபோலா தொற்றால் பாதிக்கப்பட்டோரின் மொத்த எண்ணிக்கை 7,022 ஆக உயர்ந்துள்ளது. தீவிர மருத்துவச் சிகிச்சைகள் அளிக்கப்பட்ட போதிலும், வைரஸ் தொற்றின் தாக்கம் குறையாததால் உயிரிழந்தோரின் எண்ணிக்கை 3,398 ஆக அதிகரித்துள்ளது.

நோயின் பரவலைக் கட்டுப்படுத்த முடியாமல் காங்கோ நாட்டின் சுகாதாரத் துறை தொடர் சவால்களைச் சந்தித்துத் திணறி வருகிறது. எபோலா வைரஸின் பரவலை உடனடியாகத் தடுத்துக் கட்டுப்படுத்தும் நடவடிக்கைகளின் ஒரு பகுதியாக, உலக சுகாதார அமைப்பு  காங்கோ நாட்டிற்குத் தேவையான அவசரத் தடுப்பூசிகளை வழங்கி உதவிகளைச் செய்து வருகிறது.