கன்னடத் திரையுலகின் பிரம்மாண்ட தயாரிப்பான 'கேடி: தி டெவில்' படத்தில் இடம்பெற்றுள்ள ஐட்டம் பாடலான "சர்கே சுனார் தேரி சர்கே" சமூக வலைதளங்களில் பெரும் புயலைக் கிளப்பியுள்ளது. பாடலின் வரிகள் மற்றும் நடன அமைப்பு குறித்து எழுந்துள்ள சர்ச்சைகளை இணையத்தை சூடாக்கியுள்ளன. 

கன்னட நடிகர் துருவா சர்ஜா நடிப்பில், இயக்குநர் பிரேம் இயக்கத்தில் உருவாகி வரும் திரைப்படம் 'கேடி: தி டெவில்'. இந்தப் படத்தில் பாலிவுட் நட்சத்திரங்கள் சஞ்சய் தத் மற்றும் நோரா ஃபதேஹி ஆகியோர் ஒரு சிறப்பு நடனப் பாடலில் இணைந்துள்ளனர். நேற்று வெளியான இந்தப் பாடலின் 'லிரிக்கல் வீடியோ', ரசிகர்களிடையே வரவேற்புக்குப் பதிலாகக் கடும் அதிர்ச்சியையே கொடுத்துள்ளது.

திரைப்படப் பாடல்கள் வணிக ரீதியாக வெற்றி பெற வேண்டும் என்பதற்காக, தரம் தாழ்ந்த வரிகளைப் பயன்படுத்துவதை முன்னணிப் பாடகர் அர்மான் மாலிக் கடுமையாக விமரிசித்துள்ளார். இந்தப் பாடல் குறித்து அவர் தனது எக்ஸ் தளத்தில் பதிவிட்ட கருத்துகள் வைரலாகி வருகின்றன.

ரக்கீப் ஆலம் எழுதியுள்ள இந்த வரிகளுக்கு அர்ஜுன் ஜன்யா இசையமைத்துள்ளார். மங்லி இந்தப் பாடலைப் பாடியுள்ளார். ஒரு தரம் குறைந்த வணிகத் தேடலுக்காகக் கலை நயத்தைத் தயாரிப்புத் தரப்பு பலி கொடுத்துவிட்டதாக இசையுலகினர் கருத்துத் தெரிவித்து வருகின்றனர்.

பாலிவுட்டின் 'துரந்தர்' என அழைக்கப்படும் சஞ்சய் தத், சமீபகாலமாகத் தென்னிந்தியப் படங்களில் (கேஜிஎஃப், லியோ) மிரட்டலான வில்லன் பாத்திரங்களில் நடித்துப் புகழ் பெற்றார். ஆனால், இந்தப் பாடலில் அவர் இடம்பெற்றுள்ள விதம் அவரது ரசிகர்களுக்குப் பெரும் ஏமாற்றத்தைத் தந்துள்ளதாகத் தெரிகிறது. "துரந்தர் போன்ற படங்களில் கெத்தாக நடித்த சஞ்சய் தத்திடம் இருந்து இவ்வளவு மலிவான ஒரு பாடலை எதிர்பார்க்கவில்லை" என ரசிகர்கள் சமூக வலைதளங்களில் பதிவிட்டு வருகின்றனர்.

கே.வி.என் புரொடக்‌ஷன்ஸ் சார்பில் வெங்கட் கே. நாராயணா தயாரித்துள்ள இந்தப் படம், பிரம்மாண்டமான பொருட்செலவில் உருவாகியுள்ளது. துருவா சர்ஜாவுடன் ஷில்பா ஷெட்டி, வி. ரவிச்சந்திரன், ரமேஷ் அரவிந்த் எனப் பெரிய பட்டாளமே நடிக்கிறது. இந்தப் சர்ச்சைகளுக்கு மத்தியில், 'கேடி: தி டெவில்' திரைப்படம் வரும் ஏப்ரல் 30ம் தேதி உலகமெங்கும் திரையரங்குகளில் வெளியாகத் திட்டமிடப்பட்டுள்ளது.