இந்த 4 ராசிக்காரர்களுக்கு செல்வம் குவியும்... யாருக்கும் கடன் மட்டும் தந்துடாதீங்க!

இன்று செப்டம்பர் 7, திங்கட்கிழமை பராபவ ஆண்டு, ஆவணி 21ஆம் நாள், சர்வ ஏகாதசி திதியாகும். சந்திரன் கடக ராசியில் பயணம் செய்வதுடன், கஜகேசரி யோகம், புதாதித்ய யோகம் மற்றும் மாளவ்ய யோகங்கள் அமையும் இந்த நன்னாளில், 12 ராசிகளுக்கான விரிவான பலன்களைப் பார்க்கலாம். 

மேஷம்
நாளின் முற்பகுதி புதிய ஒப்பந்தங்கள், வணிகப் பேச்சுவார்த்தைகள் மற்றும் குறுகிய பயணங்களுக்குச் சாதகமாக அமையும். பிற்பகலில் திட்டங்களைச் சீரமைப்பதிலும் நிலுவைப் பணிகளிலும் கவனம் செலுத்துங்கள். பெரிய நிதி முடிவுகள் அல்லது ஊக முதலீடுகளைத் தவிர்ப்பது நல்லது. பணியிடப் பதற்றங்களை வீட்டுக்குள் கொண்டு செல்ல வேண்டாம்.

ரிஷபம்
ஆக்கப்பூர்வமான திட்டங்கள் மற்றும் கூட்டு முயற்சிகளுக்குக் காலை நேரம் உகந்தது. எதிர்பார்த்த பண வரவு பிற்பகலில் தெளிவு பெறும். ஆடம்பரச் செலவுகளுக்கு முற்றுப்புள்ளி வைத்து சேமிப்பில் கவனம் செலுத்துங்கள். குடும்ப விவகாரங்களில் பிடிவாதத்தைத் தவிர்ப்பது உறவுகளை மேம்படுத்தும்.

மிதுனம்
புதிய பணிகளைத் தொடங்குவதை விட, கையில் எடுத்த வேலையை முடிப்பதில் கூடுதல் கவனம் தேவை. குடும்பத்தினரின் தேவைகளுக்குச் செவிசாய்ப்பது வீண் வாக்குவாதங்களைத் தவிர்க்கும். தொடர்ச்சியான கணினிப் பயன்பாடு கண் சோர்வை ஏற்படுத்தலாம்; கண்களுக்குத் தகுந்த ஓய்வு அவசியம்.

கடகம்
பிற்பகலில் பணிச்சூழல் சீராகி, கூடுதல் பொறுப்புகளும் புதிய வாய்ப்புகளும் தேடிவரும். உங்களது பொறுப்பான செயலால் மக்கள் உங்களை நம்புவார்கள். மாலையில் அமைதியான சூழலும் ஆன்மீக ஈடுபாடும் மன அமைதியைத் தரும். உறவுகளிடம் அதிகப்படியான எதிர்பார்ப்புகளைத் தவிர்க்கவும்.

சிம்மம்
வாடிக்கையாளர் சந்திப்புகள் மற்றும் குழுப் பணிகளுக்குக் காலை வேளை மிக உகந்தது. பிற்பகலில் கடன் கொடுப்பது அல்லது வாங்குவதைத் தள்ளிப்போடுங்கள். வேலை மாற்றம் குறித்து யோசித்தால், கோபத்தில் எந்த முடிவும் எடுக்காதீர்கள். துணையின் கருத்துகளுக்கு மதிப்பளித்து நிதானமாகப் பேசுங்கள்.

கன்னி
அதிகாரத் தோரணையைத் தவிர்த்து, அன்பான அணுகுமுறையைக் கையாள்வது குடும்ப அமைதியைக் காக்கும். பணிச்சுமையால் ஏற்படும் மன அழுத்தத்தைத் தவிர்க்க, உணவை நேரத்திற்கு உட்கொள்ளுங்கள். கவனச்சிதறல் இன்றி முக்கியமான பணிகளில் மும்முரமாக ஈடுபடுவீர்கள்.

துலாம்
தொலைதூரத் தொடர்புகள், கல்வி மற்றும் சட்ட ரீதியான விவகாரங்களுக்குக் காலை நேரம் சாதகமாக இருக்கும். பிற்பகலில் மூத்தவர்களின் வழிகாட்டுதல் புதிய வணிகப் பாதையைத் திறக்கும். துணையின் எதிர்காலத் திட்டங்களுக்கு ஆதரவளிப்பது பரஸ்பரப் பிணைப்பை வலுப்படுத்தும்.

விருச்சிகம்
இன்று புதிய முயற்சிகளிலும், முக்கியமான முடிவுகள் எடுப்பதிலும் கூடுதல் கவனம் தேவை. கடினமான பணிகளைத் தீர்க்கும் உங்களது திறன் கைக்கொடுத்தாலும், முழுமையான தகவல்களைப் பெற்ற பின்னரே எதிலும் ஈடுபடவும். கோபத்தையும் அவசரத்தையும் தவிர்ப்பது நன்லைத் தரும்.

தனுசு
அலுவலகத்தில் பணிச்சுமை அதிகமாக இருப்பது போல் உணரலாம். வேலைகளைச் சரியாகப் பகிர்ந்துகொள்வது பணிகளை உரிய நேரத்தில் முடிக்க உதவும். வாகனப் பயணங்களிலும், சொத்து தொடர்பான விஷயங்களிலும் அதிக எச்சரிக்கை அவசியமாகும்.

மகரம்
நிதி ஆவணங்களில் கையெழுத்திடும் முன் நிபந்தனைகளைத் தீர ஆலோசிப்பது நல்லது. தொழில்நுட்பம், ஆராய்ச்சி மற்றும் புதுமையான சிந்தனைத் துறைகளில் இருப்பவர்களுக்கு இன்று சிறந்த நாளாக அமையும். செரிமானக் குறைபாடுகள் ஏற்பட வாய்ப்புள்ளதால், மிதமான உணவை உட்கொள்ளுங்கள்.

கும்பம்
திரைக்குப் பின்னால் செய்யப்பட்ட தயாரிப்பு மற்றும் திட்டமிடல் இன்று மிகவும் பயனுள்ளதாக இருக்கும். அணிக்குள் ஏதேனும் பதற்றம் அல்லது கருத்து வேறுபாடு இருந்தால், நீங்கள் தலையிட்டு அதைத் தீர்த்து வைப்பீர்கள். உடல் ஆரோக்கியத்தில் போதிய கவனம் செலுத்துங்கள்.

மீனம்
இன்றைய நாளில் உங்கள் வேலையில் முழு ஈடுபாட்டுடன் செயல்படுவீர்கள். இந்தத் தெளிவு உங்கள் பணிகளைத் தடையின்றி முன்னெடுத்துச் செல்ல உதவும். துணையுடன் மனம் விட்டுப் பேசி மகிழ்ச்சியான தருணங்களைப் பகிர்வீர்கள். முறையான நேரத்திற்கு உணவு உண்பதும், போதுமான நீர் அருந்துவதும் உடல் ஆற்றலைத் தக்கவைக்கும்.