திருச்செந்தூர் முருகன் கோவிலில் சாமி தரிசனம் செய்ய புதிய நேரக்கட்டுப்பாடு!

தூத்துக்குடி மாவட்டத்தில் அமைந்துள்ள புகழ்பெற்ற திருச்செந்தூர் சுப்பிரமணிய சுவாமி கோவிலில் சாமி தரிசனம் செய்வதற்கு திடீரென நேரக்கட்டுப்பாடு விதிக்கப்பட்டுள்ளது. இந்த புதிய அறிவிப்பால் தினமும் பல்லாயிரக்கணக்கில் வருகை தரும் பக்தர்கள் அனைவரும் கடும் அதிர்ச்சி அடைந்துள்ளனர். கோவில் நிர்வாகத்தின் இந்த அதிரடி மாற்றத்தால் ஆன்மிகப் பயணிகள் ஏமாற்றம் அடைந்துள்ளனர்.

கோவில் நிர்வாகம் வெளியிட்டுள்ள செய்திக்குறிப்பின்படி, கட்டண தரிசனத்திற்கு இனிமேல் மாலை 6.30 மணி வரை மட்டுமே பக்தர்கள் அனுமதிக்கப்படுவார்கள் என்று தெரிவிக்கப்பட்டுள்ளது. வழக்கமாக இரவு 9 மணிக்கு நடை சாற்றப்படும் நிலையில், கூட்ட நெரிசலைக் கட்டுப்படுத்த இந்த புதிய கட்டுப்பாடுகள் கொண்டு வரப்பட்டுள்ளன. இதனால் நீண்ட தூரத்தில் இருந்து வருகை தரும் பக்தர்கள் உரிய நேரத்தில் சாமி தரிசனம் செய்ய முடியாமல் தவிக்கின்றனர்.

பக்தர்களின் வருகை தொடர்ந்து அதிகரித்து வருவதால் கூட்ட நெரிசலை முறைப்படுத்தவே இந்த நடவடிக்கை எடுக்கப்பட்டுள்ளதாகக் கூறப்படுகிறது. எனினும், கடைசி நேரத்தில் விதிக்கப்பட்ட இந்த திடீர் கட்டுப்பாடுகள் பொதுமக்களிடையே பெரும் விவாதத்தை ஏற்படுத்தியுள்ளது. பக்தர்கள் சிரமமின்றி சாமி தரிசனம் செய்ய வழிவகை செய்ய வேண்டும் என்று பலரும் கோரிக்கை விடுத்து வருகின்றனர்.