தூத்துக்குடி தென்பாகம் காவல் நிலையக் கட்டுப்பாட்டில் இருந்தபோது காவல் துறையினரின் தாக்குதலால் உயிரிழந்ததாகக் கூறப்படும் அருணாச்சலத்தின் உடல், தூத்துக்குடி அரசு மருத்துவக் கல்லூரி மருத்துவமனையில் பிரேதப் பரிசோதனை செய்யப்பட்டு வருகிறது.

இச்சம்பவம் அப்பகுதியில் பெரும் பரபரப்பையும் கொந்தளிப்பையும் ஏற்படுத்தியுள்ள நிலையில், சட்டப்பூர்வ நடைமுறைகள் தீவிரமாகப் பின்பற்றப்பட்டு வருகின்றன. குற்றவியல் நீதித்துறை நடுவர் விஜய ராஜசேகர் அவர்களின் நேரடி மேற்பார்வையிலும் முன்னிலையிலும் இந்த உடற்கூராய்வு நிகழ்வு நடைபெற்று வருகிறது.

விசாரணையின் வெளிப்படைத்தன்மையை உறுதி செய்யும் வகையில், உடற்கூராய்வு நிகழ்வுகள் அனைத்தும் முழுமையாக வீடியோ பதிவு  செய்யப்பட்டு வருகின்றன. பிரேதப் பரிசோதனை அறிக்கை வெளியான பிறகே அருணாச்சலத்தின் இறப்பிற்கான உண்மையான காரணம் தெரியவரும் எனக் எதிர்பார்க்கப்படுகிறது.