அரசுப் பணி  காலியிடங்களை விரைவாக நிரப்ப  முதல்வர் விஜய் தலைமையில் முக்கிய ஆலோசனைக் கூட்டம்!

தமிழ்நாடு அரசுப் பணியாளர் தேர்வாணையம் மூலமாக அரசுத் துறைகளில் உள்ள காலியிடங்களை விரைவாக நிரப்புவது குறித்து முக்கிய ஆலோசனைக் கூட்டம் நடத்தப்பட்டு வருகிறது. சென்னை தலைமைச் செயலகத்தில் முதல்வர் விஜய் தலைமையில் நடைபெற்று வரும் இந்த ஆய்வுக் கூட்டத்தில் பல முக்கிய முடிவுகள் எடுக்கப்பட உள்ளன. அரசுத் துறைகளில் காலியாக உள்ள பணியிடங்களைக் கண்டறிந்து அவற்றிற்கான போட்டித் தேர்வுகளை விரைந்து நடத்துவது குறித்து விரிவாக விவாதிக்கப்பட்டு வருகிறது. இளைஞர்களுக்கு விரைவாக வேலைவாய்ப்பு வழங்கும் நோக்கில் அரசு இந்த அதிரடி நடவடிக்கையை மேற்கொண்டு வருகிறது.

இந்த உயர்நிலை ஆலோசனைக் கூட்டத்தில் மனிதவள மேலாண்மைத் துறை அமைச்சர் சரத்குமார் மற்றும் துறை சார்ந்த உயர் அதிகாரிகள் பலரும் பங்கெடுத்துள்ளனர். தேர்வாணையத்தின் செயல்பாடுகளை விரைவுபடுத்துவது மற்றும் தேர்வு முடிவுகளைக் காலதாமதமின்றி வெளியிடுவது தொடர்பாகவும் கூட்டத்தில் ஆலோசிக்கப்படுகிறது.  ஆகஸ்ட் 5-ம் தேதி மாநில பட்ஜெட் தாக்கல் செய்யப்பட உள்ள நிலையில் இந்த முக்கியச் சந்திப்பு நடைபெறுவது குறிப்பிடத்தக்கது. அரசுப் பணியாளர்களின் பணித் திறனை மேம்படுத்தும் வகையில் பல்வேறு புதிய திட்டங்களை நடைமுறைப்படுத்தத் திட்டமிடப்பட்டு வருகிறது.

இதன் ஒரு பகுதியாக அரசு ஊழியர்களுக்கான விரல்ரேகை வருகைப் பதிவேட்டு முறையை மாநிலம் முழுவதும் விரிவுபடுத்துவது குறித்தும் தீவிரமாக விவாதிக்கப்படுகிறது. அரசு அலுவலகங்களில் பணியாளர்களின் துல்லியமான வருகையை உறுதி செய்யவும் நிர்வாகச் செயல்பாட்டைச் சீரமைக்கவும் இந்த நடவடிக்கை உதவும் எனக் கருதப்படுகிறது. வரவிருக்கும் பட்ஜெட் கூட்டத்தொடரில் அரசுப் பணியாளர்கள் மற்றும் இளைஞர்களுக்கான புதிய அறிவிப்புகள் இடம்பெறலாம் என எதிர்பார்க்கப்படுகிறது. முதல்வர் தலைமையில் நடைபெற்று வரும் இந்த ஆலோசனைக் கூட்டம் அரசு ஊழியர்கள் மற்றும் போட்டித் தேர்வெழுதும் இளைஞர்களிடையே பெரும் எதிர்பார்ப்பை ஏற்படுத்தியுள்ளது.