பயணிகளே உஷார்... ஓடும் ரயிலில்   கழுத்தை நெரித்து நகைப் பறிப்பு.. பெண் உட்பட 2 பேர் கைது!  

நெல்லை மாவட்டத்திலிருந்து திருச்செந்தூர் நோக்கிச் சென்று கொண்டிருந்த பயணிகள் ரயிலில் இன்று பயங்கர கொள்ளை முயற்சி ஒன்று அரங்கேறியுள்ளது. இந்த ரயிலில் தமிழ்ச்செல்வி என்ற பெண் பயணி ஒருவர் பயணம் செய்து கொண்டிருந்தார். ரயில் நடுக்காட்டில் சென்று கொண்டிருந்தபோது, அங்கு மறைந்திருந்த சதி கும்பல் ஒன்று திடீரென தமிழ்ச்செல்வியின் கழுத்தை நெரித்து அவர் அணிந்திருந்த நகைகளைப் பறிக்க முற்பட்டுள்ளது.

திடீரென நேர்ந்த இந்தத் தாக்குதலால் அதிர்ச்சியடைந்த தமிழ்ச்செல்வி, தற்காப்புக்காகப் பயந்துபோய் ரயிலுக்குள் சத்தம்போட்டுக் கூச்சலிட்டுள்ளார். இவரது அலறல் சத்தத்தைக் கேட்டு ரயிலில் இருந்த சக பயணிகள் அனைவரும் உடனடியாக அந்தப் பகுதிக்குத் திரண்டு வந்துள்ளனர். பொதுமக்களின் இந்தத் திடீர் வருகையால் நிலைதடுமாறிய கொள்ளையர்கள் தப்பியோட முயன்றபோது, பயணிகள் அவர்களை நாலாபுறமும் மிகச் சாதுரியமாக மடக்கிப் பிடித்துக் காவல்துறையினரிடம் ஒப்படைத்தனர்.

இதுகுறித்துத் தகவலறிந்த ரயில்வே போலீசார் சம்பவ இடத்திற்கு விரைந்து வந்து, நகைப் பறிப்பில் ஈடுபட்ட நித்யா என்ற பெண் மற்றும் ஒரு 14 வயது சிறுவன் ஆகிய இரண்டு பேரையும் அதிரடியாகக் கைது செய்தனர். மேலும், அவர்கள் தமிழ்ச்செல்வியிடமிருந்து பறித்த 3 சவரன் தங்க நகைகளையும் போலீசார் பத்திரமாக மீட்டுள்ளனர். ரயிலில் பெண் பயணியின் கழுத்தை நெரித்துக் கொள்ளையடிக்க முயன்ற இந்தத் துணிகரச் சம்பவம் சக ரயில் பயோணிகளிடையே பெரும் பரபரப்பை ஏற்படுத்தியுள்ளது.