மரத்தையே பல்லால் கடித்து துவம்சம் செய்யும் 'இரும்பு மனிதன்'...   விசித்திர வீடியோ!

சமூக வலைதளங்களில் தினமும் பல விசித்திரமான வீடியோக்கள் வைரலானாலும், தற்போது வெளியாகியுள்ள ஒரு வீடியோ பார்ப்பவர் எவரையும் ஒரு நிமிடம் மெய்சிலிர்க்க வைக்கும் வகையில் உள்ளது. ஒரு நபர் பெரிய மரத்தின் தண்டு பகுதியைத் தனது பற்களாலேயே கடித்துக் குதறும் காட்சிகள் வெளியாகி இணையவாசிகளைப் பெருத்த அதிர்ச்சியில் ஆழ்த்தியுள்ளது. ஏதோ சாதாரணமாகக் கடிக்காமல், ஒரு மின்சார ரம்பத்தைக் கொண்டு மரத்தை அறுப்பது போல அவர் மிக லாவகமாக மரத்தைச் செதுக்குவது ஆச்சரியத்தின் உச்சத்துக்கே கொண்டு செல்கிறது.

இந்த விசித்திரமான செயலில் ஈடுபடும்போது அந்த நபருக்கு எந்தவித வலியும் ஏற்படுவது போலத் தெரியவில்லை என்பதுதான் இதில் இருக்கும் மிகப்பெரிய மர்மம். 'androsbelfonte' என்ற இன்ஸ்டாகிராம் பக்கத்தில் பகிரப்பட்ட இந்த வீடியோவை இதுவரை பல மில்லியன் கணக்கான மக்கள் பார்த்து வியந்துள்ளனர். மேலும் 30 லட்சத்திற்கும் அதிகமானோர் இந்த வீடியோவிற்கு லைக் செய்துள்ள நிலையில், இது உலக அளவில் வைரலாகி வருகிறது. மனித உடலின் வலிமையையும் பற்களின் உறுதியையும் கண்டு நெட்டிசன்கள் வாயடைத்துப் போயுள்ளனர்.

இதைப் பார்த்த சமூக வலைதளவாசிகள் "இவர் நிஜமாகவே மனிதர் தானா?" என்றும், "இவரது பற்கள் என்ன இரும்பால் செய்யப்பட்டதா?" என்றும் விதவிதமாகத் தங்களது கருத்துக்களைப் பதிவிட்டு வருகின்றனர். பொதுவாக விலங்குகள் மட்டுமே மரங்களைக் கடித்துப் பழக்கப்பட்ட நிலையில், ஒரு மனிதர் மரத்தையே கடித்துத் துவம்சம் செய்யும் காட்சிகள் மிரட்டலாக உள்ளன. மனித ஆற்றலுக்கு அப்பாற்பட்ட இத்தகைய விசித்திரச் செயல்கள் இணையத்தில் எப்போதும் ஒரு தனி வரவேற்பைப் பெற்று வருகின்றன.