ஈரான் மீது இன்று இரவு அதிரடித் தாக்குதல் நடத்த டொனால்ட் டிரம்ப் எச்சரிக்கை!

அமெரிக்காவிற்கும் ஈரானுக்கும் இடையே கடந்த சில நாட்களாகக் கடுமையானBlockade மற்றும் மோதல்கள் நீடித்து வரும் நிலையில்  இரு நாடுகளுக்கும் இடையேயான போர் பதற்றம் உச்சக்கட்டத்தை எட்டியுள்ளது. ஹார்முஸ் நீரிணைப் பகுதியில் ரோந்துப் பணியில் ஈடுபட்டிருந்த அமெரிக்க ராணுவத்தின் அதிநவீன 'அப்பாச்சி' (Apache) ரக ஹெலிகாப்டர் ஒன்றை ஈரானின் ஆளில்லாத் தாக்குதல் ட்ரோன் சுட்டு வீழ்த்தியதாக  பரபரப்பு குற்றச்சாட்டு எழுந்துள்ளது.

இந்த  சம்பவத்தைத் தொடர்ந்து, ட்ரூத் சோஷியல் (Truth Social) தளத்தில் பதிவிட்டுள்ள அமெரிக்க அதிபர் டொனால்ட் டிரம்ப், ஈரானின் இந்த அநாகரிகமான தாக்குதலுக்கு அமெரிக்கா தகுந்த பதிலடி கொடுக்கும் எனத் திட்டவட்டமாகத் தெரிவித்துள்ளார். மேலும் ஏபிசி (ABC) செய்தி நிறுவனத்திற்கு அளித்துள்ள பிரத்யேக பேட்டியில், "ஈரான் எங்களது ஹெலிகாப்டரை வீழ்த்தியுள்ளது, அதற்கு இன்று இரவு மிகக் கடுமையான, சக்திவாய்ந்த  தாக்குதலை அமெரிக்க ராணுவம் தொடுக்கவுள்ளது" என்று டிரம்ப் பகிரங்க எச்சரிக்கை விடுத்துள்ளார்.

அதிபர் டிரம்பின் இந்த அவசர உத்தரவைத் தொடர்ந்து, அமெரிக்க மத்திய கட்டளை அமைப்பு (CENTCOM) ஈரானின் ஏவுகணை தளங்கள், ரேடார் நிலையங்கள் மற்றும் வான் பாதுகாப்பு அரண்களைக் குறிவைத்து  தனது முதற்கட்ட தாக்குதல்களைத் தொடங்கியுள்ளது. டிரம்பின் இந்த   போர் எச்சரிக்கை காரணமாக மத்திய கிழக்கு நாடுகளில் மீண்டும் ஒரு மிகப்பெரிய போர் மூளும் அபாயம் ஏற்பட்டுள்ளதால், உலகளாவிய கச்சா எண்ணெய் விநியோகம் மற்றும் சர்வதேச சந்தையில் பெரும் பதற்றமும் சோகமும் நிலவி வருகிறது.