உக்ரைன் குடியிருப்பு பகுதிகளில்  ரஷ்யா  வான்வழித் தாக்குதல்...   4 பேர் பரிதாப பலி!

ரஷ்யா மற்றும் உக்ரைன் நாடுகளுக்கு இடையே கடந்த பல மாதங்களாக நீடித்து வருகிறது.   போர் தற்போது மீண்டும் விஸ்வரூபம் எடுத்து மிகத் தீவிரமடைந்து வருவதன் காரணமாக  உக்ரைன் நாட்டின் பல்வேறு முக்கிய நகரங்களைக் குறிவைத்து ரஷ்ய ராணுவம் திடீரென மிகக் கொடூரமான முறையில் வான்வழித் தாக்குதல்களை நடத்தி வருகிறது. அந்த வகையில்  நள்ளிரவில் நடத்தப்பட்ட  திடீர்த் தாக்குதலால் உக்ரைனின் தலைநகர் உள்ளிட்ட பல்வேறு பகுதிகளில் உள்ள வான் பாதுகாப்பு அமைப்புகள் செயலிழந்து பெரும் அச்சுறுத்தலை ஏற்படுத்தியுள்ளன.

ரஷ்யா அசுர வேகத்தில் ஏவிய ஏவுகணைகள் மற்றும் நூற்றுக்கணக்கான ஆளில்லா ட்ரோன் விமானங்கள் உக்ரைனின் குடியிருப்புப் பகுதிகள் மற்றும் முக்கியக் கட்டடங்கள் மீது சரமாரியாக விழுந்து வெடித்தன. இந்த பயங்கர வான்வழித் தாக்குதலில் சிக்கி உக்ரைனைச் சேர்ந்த 4 அப்பாவிப் பொதுமக்கள் சம்பவ இடத்திலேயே உடல் நசுங்கிப் பரிதாபமாக உயிரிழந்துள்ளனர். மேலும், கட்டட இடிபாடுகளுக்குள் சிக்கியும், குண்டுவெடிப்பின் வீரியம் தாங்காமலும் 80-க்கும் மேற்பட்ட பொதுமக்கள் பலத்த காயமடைந்து உயிருக்குத் போராடி வருகின்றனர்.

இந்த கோரத் தாக்குதல் காரணமாக உக்ரைனின் தலைநகரில் உள்ள பல அடுக்குமாடி குடியிருப்புகள் மற்றும் வணிக வளாகங்கள் முற்றிலும் சேதமடைந்து தரைமட்டமாகியுள்ளன. விபத்து குறித்துத் தகவல் அறிந்து வந்த மீட்புக் குழுவினர், காயமடைந்தவர்களை மீட்டு அருகில் உள்ள மருத்துவமனைகளில் சிகிச்சைக்காக அனுமதித்து தீவிரமாகக் கண்காணித்து வருகின்றனர். உக்ரைன் மீது ரஷ்யா நடத்தியுள்ள இந்த தற்போதைய பிரம்மாண்ட வான்வழித் தாக்குதல் மற்றும் உயிரிழப்புகள் உலக நாடுகள் மத்தியில் மீண்டும் பெரும் பரபரப்பையும் அதிர்ச்சியையும் ஏற்படுத்தியுள்ளது.