உக்ரைன் நாட்டின் பாதுகாப்பு அமைச்சராகப் பணியாற்றி வந்த மைக்கேலோ பெடோரோவ் கடந்த மாதம் பதவி நீக்கம் செய்யப்பட்டார். இந்நடவடிக்கை குறித்து அதிபர் வோலோடிமிர் ஜெலன்ஸ்கி கீவ் நகரில் செய்தியாளர்களைச் சந்தித்து முதன்முறையாக விளக்கம் அளித்துள்ளார்.

நாட்டில் ரஷ்யாவுடனான போர் தீவிரமாக நடைபெற்று வரும் சூழலில், பெடோரோவ் தவறான வழிகாட்டுதல்களின் கீழ் இயங்கி, போர்க் காலத்திலேயே அதிபர் தேர்தலை நடத்த வேண்டும் என வலியுறுத்தியதாக ஜெலன்ஸ்கி குற்றம்சாட்டியுள்ளார்.

ரஷ்யக் கட்டுப்பாட்டுப் பகுதியில் 'ஸ்டார்லிங்க்' செயற்கைக்கோள் இணையச் சேவையைப் பயன்படுத்தச் ஸ்பேஸ்எக்ஸ் நிறுவனம் ஒப்புக்கொண்டதாகப் பாதுகாப்பு அமைச்சகம் தவறான தகவலைத் தெரிவித்தது. இதை நம்பி அமெரிக்க முன்னாள் அதிபர் டொனால்டு டிரம்பிடம் பேசிய நிலையில், ஸ்பேஸ்எக்ஸ் அதிபர் எலான் மஸ்க் அதை மறுத்ததால் சர்வதேச அளவில் உக்ரைனுக்குத் தர்மசங்கடம் ஏற்பட்டது.

பாதுகாப்புத் துறையில் முன்கூட்டியே அதிக அளவிலான நிதியைச் செலவிட்டதால், 2026-ஆம் ஆண்டின் 2-வது பாதிக்கான நிதி ஒதுக்கீட்டில் சுமார் 2,700 கோடி டாலர் பற்றாக்குறை உருவானது.

ராணுவத் தலைமை தளபதியுடன் ஏற்பட்ட கருத்து வேறுபாடுகள் மற்றும் நிர்வாகக் குளறுபடிகள் காரணமாகவே இந்த அதிரடி நடவடிக்கை எடுக்கப்பட்டதாகத் தெரிவித்த ஜெலன்ஸ்கி, தற்போதைய சூழலில் நாட்டையும் ராணுவத்தையும் சீரமைப்பதே முதன்மை இலக்கு எனக் குறிப்பிட்டுள்ளார்.